Mark 15:5 - Udél Dwata: Gna Kesfasad ne Lomi Kesfasad

⁵ Okóm là kô dog bnalà Jisas kul, balù sekteb. Tey ketnga Paylét du yóm là dog kbalà Jisas kul.

Mark 15:5 Iomraidhean Croise

Kem Lingón 71:7

Yóm dou klowil, lómón ke mò gónó le temngel yóm kdéen tau, abay se uu yóm mbegel mofin dou.

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Isaya 8:18

Ni ou, mung do yó kem ngà deng blay Dwata do. Yóm klowil me hol lómón ke tulón gdek lem blóng yó kem tau Israél, yóm tulón hwit yóm Dwata laen dù là gbeken du, yóm Dwata myón bè yóm gónón kmamal bè bulul Sayun.

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Matyu 27:12

Okóm là kô bnalaen kul yó du kem dê tifù le du yó kem geta bè yó kem gel demsù ebè Dwata ne yó kem tuha gónó le gel galak.

Matyu 27:14

Okóm là dog bnalà Jisas kul, balù sekteb. Ya tey ketnga yóm gubérnor yóm là dog kbalà Jisas kul.

Mark 15:4

Yó gónó Paylét bud mon du mò ke Jisas, “Gungolem kô yó kem tey dê tifù le kóm? Laen dù balaem du kô?”

Kun Snulat Luk 23:9

Yóm deng kkól Jisas bè yó yó, tey dê snólók Hirod béléen, okóm balù sekteb ke wen balà Jisas du.

Kun Snulat Jan 19:9

Tódô bud husek elem gónóen, ne bud snólóken Jisas, monen, “Tedu de hol gónóm gu lemwót?” Okóm là dog bnalà Jisas du.

1 Kurin 4:9

Bede bélê me kum kem tau deng nélék Krays mò gel hógówen, bè dou kehedem du, dô mi se yó kem tau deng alì heglaan Dwata bè kdéen. Ne lómón ke mi yó kem tau deng nfét mò hnatay bè gónón wen. Tódô kdéen tau temngel kum, ne balù tu kem hógów Dwata gu bè longit, gotu tenngel le mi se kul.