Mark 15:12 - Udél Dwata: Gna Kesfasad ne Lomi Kesfasad

¹² Ne bud mon Paylét mò kul, “Tedu se tô nmou du bè yóm tau bnoluy ye tau hol geta bélê ye yu kem Ju?”

Mark 15:12 Iomraidhean Croise

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Matyu 21:5

“Hol tulón ye yó kem tau menwu bè Sayun, mon ye, Ngem deng sut yóm tau hol geta bélê ye, tau là kóen hegeta knô, smakay asnu. Snakayen yóm nati asnu.”

Mark 15:11

Okóm yó nmò yó kem tau hol geta bè yó kem gel demsù ebè Dwata, nofong le yó kem tau sbung bè yó anì hni le bè Paylét Barabas.

Mark 15:13

Deng le mom gotu hetê, mon le, “Htutukem bè kros yó dum kun.”

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Kul Nmò 5:31

Okóm ke Dwata kun, tey kehegetahen du, hyónen fi bè kwananen. Ne du deng nmò Dwata mò gónó tekuy galak, ne mò gónó tekuy gewà gu lem hatay. Ne hlan Dwata béléen snéen yóm kehlifóten salà tekuy kem tau Israél ke hegsel te.