Mark 15:10 - Udél Dwata: Gna Kesfasad ne Lomi Kesfasad

¹⁰ Yó gónó Paylét mon du yóm yó, abay se deng tódô tngónen se yóm alì kélés nawa le ke Jisas yó kem tau hol geta bè yó kem gel demsù ebè Dwata, yó gónó le meted du ebéléen.

Mark 15:10 Iomraidhean Croise

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Matyu 27:18

Deng tódô tngón Paylét se yóm alì kélés nawa le ke Jisas yó kem tau mit du ebéléen yó.

Mark 15:11

Okóm yó nmò yó kem tau hol geta bè yó kem gel demsù ebè Dwata, nofong le yó kem tau sbung bè yó anì hni le bè Paylét Barabas.

Mark 15:9

Snólók Paylét lu, monen, “Móyô ye kô ke hewau ebélê ye yóm tau hol geta bélê ye yu kem Ju?”

Kul Nmò 13:45

Timbow ton yó kem Ju yóm tey tau wen, deng mom mélés nawa le le Pol. Deng mom hennê le yóm tulón nwit Pol, lel le semdekà du.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Sulat Jim 4:5

Là kóen na a kéng yóm monen bè Sulat Dwata, yóm monen, “Yóm nawa deng tehe blay Dwata tekuy, deng mom baling nawa alì móyô mò du yóm sidek.”

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.