Mark 14:8 - Udél Dwata: Gna Kesfasad ne Lomi Kesfasad

⁸ Yóm nmoen béléu ni, tódô nmoen yóm hol són gbeken. Yóm deng koken bè lówóhu ni,” mon Jisas, “mò eles hgifaten do bè yóm angat kebeng le dou.

Mark 14:8 Iomraidhean Croise

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Matyu 26:12

Yóm koken béléu ni, mò eles hgifaten dou bè yóm angat kebeng le do.

Mark 15:42

Bè yóm kdaw katay Jisas, kdaw snaan yóm Kdaw Kehegnô yó kem Ju, yóm kdaw eles gel kehtifes le bè yóm Kdaw Kehegnô. Timbow deng móyón kimel bè yó, wen sotu tau sut boluyen Jusif, tau lemwót bè Arimatiya. Du se sotu bè yó kem tau gel kmukum bè yó kem Ju, ne tey kadat le du. Gel hendónen snéen kun yóm kdaw angat kogot Dwata tau. Yó nmoen, tódô mógów ebè Paylét nan e bal du yóm kwahen lówó Jisas.

Kun Snulat Luk 23:53

Kewót Jusif bè yó, mógów ebè tum gónó Jisas nô, ne nahen elaan yóm lówóhen, ominen bmaus du yóm nes bukay. Tódô suen bè yóm léhék deng eles nokol le mò gónó lembeng. Hanà yó he yóm kwen tau na le e lebeng du yóm kilib yó.

Kun Snulat Jan 12:7

Ne mon Jisas mò ke Judas, monen, “Tódô bayaem du yóm kun nmò yó. Kaem eles tgamahen yóm kebeng le dou yóm nmoen béléu ni.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.