Mark 14:3 - Udél Dwata: Gna Kesfasad ne Lomi Kesfasad

³ Bè yóm knô Jisas bè Bitani, mken bè gónô yóm sotu tau tehe gemnóm des mifù, boluyen Simun. Bè yóm igoen tolo mken bè yó, sut béléen yóm sotu libun, wen sobuy alabastér nwiten hnok yóm gel hboo alì mebtes, ne alì minggel boohen, boluyen nard, yóm gel hboo laen dù bolen, hono duhen. Ominen temful lihol yóm sobuy yó, ne gotu msulék koken te kulu Jisas.

Mark 14:3 Iomraidhean Croise

Matyu 21:17

Timbow deng yóm kudél Jisas yó koni, ominen tmagak kul, hlós ebè Bitani, ne ditu gónón tungô.

Matyu 25:17

Ne bud lemwót se kun yóm mogot lewu libu. Ngangen hból yóm kun efet bud lewu libu se uléken.

Mark 14:2

“Okóm,” mon le, “bê tekuy hesengan bè yóm kmò ken bong, kô wen sidek nmò le bélê tekuy yó kem tau.”

Mark 14:4

Okóm wen se bè yó kem tau nô bè yó, deng le mom lembut, stulón le, mon le, “Moen ke mom namaen yóm hboo yóó?

Kun Snulat Jan 11:2

(Nim Midi ni, du se yóm libun temwél te ti Jisas yóm boo alì tilob boohen, ne ominen bud mifu du weken. Yóm Lasarus wen desen yó, hol logi le Midi.)