Mark 14:2 - Udél Dwata: Gna Kesfasad ne Lomi Kesfasad

² “Okóm,” mon le, “bê tekuy hesengan bè yóm kmò ken bong, kô wen sidek nmò le bélê tekuy yó kem tau.”

Mark 14:2 Iomraidhean Croise

Kem Udél Hlalak Tehe Selumun 19:21

Tey dê yó kem atul nô lem hendem tau, okóm són yóm kun kóyô Dwata baling du.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Lanu Jirimaya 3:27

Ne tey hyu bè yó kem lomi lemnok ke henmóyô le yóm hdalang Dwata kul. Là gomongen bè nili yóm tsaptér 3:28 kól bè tsaptér 5:22. Yó tulónen bè ni yó kem hlau Jirimaya ke wen yó kem hlayam sut. Yóm Dwata tey hulung kmodu, là kô nan e tódô bayà tekuy. Gotu tngónen yóm kdéen bè tau. Bud tulónen yóm deng kmò yóm syudad Jirusalim kogol yóm kehegbà Dwata du yó kem hohon le lemwót bè salà yó kem tauhen. Hol néen yóm salà yó kem tugoden ne yó kem tau gel blóng ebéléen. Yó kem tey blówón bè yó, laen dù bud ktataw le, ne yó kem botu bè Gónô Dwata deng le gotu masà bè lan. Deng le baling temfólól ken myón bè yó kem lan. Yó kem tau tehe gmónô bong, deng le mebel ken desenfól. Baluen ke mlóy le etu lem bulul, bud ktes le lu yó kem hohon le. Kogolen bè yó, tey kehkodu le bè Dwata. Tulón le du yóm tey khééten bélê le yóm glumfak le. Deng nwa kem tólóng tau bélê le yóm kdê deng nfun le, lómón ke hikit le. Glok le mógów ebè Idyip ne ebè Asirya na le e mni ken ditu. Tey keheblat le du yóm hmò le kul, baling hesek le lu ne laen dù gembek hewà kul. Deng tey sidek kegnóm le du là gbek le du ke là bud tnóbóng Dwata kul.

Matyu 26:2

“Deng tngón ye lewu ni he kehtohen yóm mò ken bong bélê tekuy bè Kdaw Khius. Segeng du yóm angat keblay le yóm Ngà Tau elem tdok yó kem tau angat tmutuk du bè kros.”

Matyu 26:5

“Okóm,” mon le, “bê tekuy hesegeng bè yóm mò ken bong, kô wen sidek nmò le bélê tekuy yó kem tau.”

Mark 11:18

Ne gungol le se kul yó kem geta bè yó kem gel demsù ebè Dwata, ne yó kem tau gel tmolok hlau yóm deng nmò Jisas yó. Yó nmò le, mebel le lan le hmatay du, okóm likò le béléen, abay se tey tau wen gel hmungol du yóm ktoloken, ne tey kehtaw le du.

Mark 11:32

Bud là hyuhen se ke mon tekuy lemwót bè tau.” Yó gónó le mon du yóm yó, abay se likò le bè yó kem tau, yakà bè kul kehedem du hol tau tugod Dwata yóm Jan.

Mark 14:1

Tek lewu kdaw ne duen kehto yóm mò ken bong yó kem Ju, yóm gel mon le Kdaw Khius, ne yó kem kdaw bud kken le du yóm mambang laen dù bulung henoken. Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hekfô ke Jisas anì ghatay le.

Mark 14:3

Bè yóm knô Jisas bè Bitani, mken bè gónô yóm sotu tau tehe gemnóm des mifù, boluyen Simun. Bè yóm igoen tolo mken bè yó, sut béléen yóm sotu libun, wen sobuy alabastér nwiten hnok yóm gel hboo alì mebtes, ne alì minggel boohen, boluyen nard, yóm gel hboo laen dù bolen, hono duhen. Ominen temful lihol yóm sobuy yó, ne gotu msulék koken te kulu Jisas.

Kun Snulat Luk 20:6

Okóm ke mon tekuy lemwót bè tau, déke angat hnatay sentudà le tekuy botu yó kem tau, abay se bè kul kehedem du, hol tugod Dwata yóm Jan.”

Kun Snulat Luk 22:1

Móyónen bud hto ne yóm mò ken bong yó kem Ju gónó le gel mken du yóm mambang laen dù bulung henoken. Yó boluyen, mò ken bè Kdaw Khius.

Kun Snulat Jan 12:19

Lemwót yó kem Farisi, stulón le, mon le, “Ngem, laen kô dù gmò tekuy. Tenngel ye dé, tódô kdéen tau gotu lemolò du.”

Kun Snulat Jan 7:40

Bè yóm kungol kem tau du yóm mon Jisas yó, wen se bélê le mon du, “Deng duhen ni se yóm tugod Dwata hendón tekuy.”