Mark 14:12 - Udél Dwata: Gna Kesfasad ne Lomi Kesfasad

¹² Deng hto yóm tanay kdawen bè yóm kmò le ken bong yó kem Ju, yóm mò ken gónó le gel mken du yóm mambang laen dù bulung henoken. Bè yóm kdaw yó, gel wen ngà ubiha hnatay le mò utón le bè yóm mò ken bè Kdaw Khius. Snólók le bè Jisas yó kem gel lemolò du, mon le, “Gónóm tô hmò du kum de yóm ken tekuy bè nim mò ken bè Kdaw Khius?”

Mark 14:12 Iomraidhean Croise

Kehewà 12:18

Tódô lenwóten bè yóm kifu bè gesfoloen fat kdaw bè yóm tanay bulón efet kól bè yóm kifu bè yóm gewuhen folò sotu kdaw bè yóm bulón yó, hol bê ye abay ken yóm mambang wen bulung henoken.

Kehewà 12:6

Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Kehewà 12:8

Bè yóm kifu yó, hol tnétê le yóm ubiha deng hnatay le ne mung ken le bè yó kem som héét ne bè yóm mambang laen dù bulung henoken.

Matyu 3:15

Bnalà Jisas se, monen, “Kendolen ne. Hyu ke gotu nmò te yóm kóyô Dwata bélê te.” Tahu se, bnabtays Jan Jisas.

Mark 14:1

Tek lewu kdaw ne duen kehto yóm mò ken bong yó kem Ju, yóm gel mon le Kdaw Khius, ne yó kem kdaw bud kken le du yóm mambang laen dù bulung henoken. Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hekfô ke Jisas anì ghatay le.

Mark 14:11

Ya tey ktimu óyô le bè yóm kungol le du, glok le fmasad du filak mò ofolen. Kewóten bè yó ne, sónmò Judas mebel lanen anì gekfô le Jisas.

Mark 14:13

Omin Jisas mdók lewu bélê le, monen mò kul, “Mógów ye ebè syudad Jirusalim. Ke deng ye kól ditu, angat wen logi semlong kuy mit él. Tódô ye huli du

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.