Mark 14:1 - Udél Dwata: Gna Kesfasad ne Lomi Kesfasad

¹ Tek lewu kdaw ne duen kehto yóm mò ken bong yó kem Ju, yóm gel mon le Kdaw Khius, ne yó kem kdaw bud kken le du yóm mambang laen dù bulung henoken. Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hekfô ke Jisas anì ghatay le.

Mark 14:1 Iomraidhean Croise

Tekang Kbuten 37:18

Hanà tolo mayuk Jusif, deng sana ton yó kem twoguhen ne gu laanen là deng kól bélê le, deng sana sensatul le yóm kmò khatay le du.

Kem Lingón 52:3

Alì henlom nawahem yóm sidek senta yóm hyu, ne yóm kéng senta yóm ktahuhen.

Kem Lingón 62:4

Yó atul le tô tenklé le ou bè yóm deng kegeta glalu. Sónmò le mò tulón lenbù etahu. Swè le béléu ke ssolu me, okóm lem but blutut le, henmulà le ou.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

Kehewà 12:1

Yó udél Dwata ebè Musis ne Aron bè yó bè Idyip, monen,

Matyu 12:14

Okóm yó kem Farisi, tódô le gotu lemwót, ne sensatul le yóm kmò khatay le ke Jisas.

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Mark 14:12

Deng hto yóm tanay kdawen bè yóm kmò le ken bong yó kem Ju, yóm mò ken gónó le gel mken du yóm mambang laen dù bulung henoken. Bè yóm kdaw yó, gel wen ngà ubiha hnatay le mò utón le bè yóm mò ken bè Kdaw Khius. Snólók le bè Jisas yó kem gel lemolò du, mon le, “Gónóm tô hmò du kum de yóm ken tekuy bè nim mò ken bè Kdaw Khius?”

Mark 14:2

“Okóm,” mon le, “bê tekuy hesengan bè yóm kmò ken bong, kô wen sidek nmò le bélê tekuy yó kem tau.”

Kun Snulat Jan 11:47

Lemwót yó kem Farisi ne yó kem geta gel demsù ebè Dwata, gotu tinok le yó kem tau hol geta mogot kukum anì gotu le stifun. Bè yóm deng kestifun le, mon le, “Tedu atul kuy ni du? Blaem tey dê hentaw ton nmoen tum tau tu.

Kun Snulat Jan 13:1

Tek sendaw ne dù kehtohen yóm mò ken bè yóm Kdaw Khius. Tódô tngón Jisas yóm móyón ktebelen yóm benwu ni, ne bud mulék ebè Maen. Tey tendo gel kbong nawahen kul yó kem tau gel lemolò du, ne là kóen monol nawahen ebélê le efet kól bè yóm ktagaken kul.

Kul Nmò 12:4

Yóm kekfô le ke Pitér, tódô heflós le elem blanggù. Wen fat bung sendalù stufì mentey du, ket na fat yóm kwen le bè yóm sotu bung. Yó tô atul Hirod, sok deng kogol yóm ken bong nmò le bè Kdaw Khius, tô hdaen bè gónón wen bè yóm kkukumen du.