Mark 13:7 - Udél Dwata: Gna Kesfasad ne Lomi Kesfasad

⁷ Sok wen gungol ye tau sgida moni bélê ye, duhen ke sentulón le gida bè dumu benwu snéen, bê ye abay hlikò. Angat gotu dohò ni kem ni, okóm là yó du he yóm hol són kdaw.

Mark 13:7 Iomraidhean Croise

2 Samwél 14:14

Angat tekuy gotu matay. Lómón ke tekuy yóm él mkok ete tonok, là bud gbekem semtifun du. Yó gónó Dwata hmotu gelen bud mit du semfulék yóm tau deng glayuk béléen. Là kô bayaen du yóm tau kenbong nawahen. Ne là se hyuhen béléem ke tódô bayaem se kóm.

Kem Lingón 112:7

Là kô le likò anien ke sidek tulón sut bélê le, abay se tey mbegel ksalig le du yóm kehtahu le ke Dwata, mò semgyok kul.

Kem Lingón 27:3

Anien ke deng snibut le ou yó kem tey sendalù wen, là kóe na a likò. Anien ke nundug le ou yó kem hmohon dou, mom mbegel yóm ksaligu ke Dwata.

Kem Udél Hlalak Tehe Selumun 3:25

Béi hlikò bè yóm knikò mekto ksuten duhen yóm kgefet yóm keglà yó kem tau mò sidek.

Isaya 8:12

“Hol béi gbót bè kul atul yó kem dumum tau ne béi likò du kóm yóm kul gel knikò.

Matyu 18:7

Tey kodu le yó kem tau talak tonok, abay se tey dê mit kul là hemtahu. Sal gel sut bè tau se yóm yó, okóm angat tey tafaken yóm tau mò du.

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Mark 13:6

Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne angat tey dê se tau gsukat bélê le.

Mark 13:8

Angat wen kem benwu mit sgida bè kem dumu benwu. Angat tey dê benwu gónón e mbel linol bong ne bitil bong. Yó se ayawen yóm móyón kkól yóm hol són kdaw. Lómón yóm libun mlutut, sok kmuleng, ayawen sut yóm ngaen.

Kun Snulat Jan 14:1

Ne yó bud mon Jisas mò kul, monen, “Hol bê ye hesbeweg kehedem ye. Snalig ye Dwata, ne snalig ye ou snéen.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kul Nmò 17:3

Yó gel hetngónen kul lemwót lem Sulat Dwata, nan na glayam he kun yóm Misaya, omin Dwata bud mowil du. Ne yó bud mon Pol, “Yóm Jisas tulónu kuy ni, du se yóm Misaya.”