Mark 12:9 - Udél Dwata: Gna Kesfasad ne Lomi Kesfasad

⁹ Bud wen snólók Jisas bélê le, monen, “Ke yó se nmò yó kem tau mogot hulu, tedu se nmò yóm tau fun hulu? Yó nmoen, tódô lemwót etu bélê le nan e gotu hnatay lu, bud tólóng tau ne hogoten du yóm huluhen yó.”

Mark 12:9 Iomraidhean Croise

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Matyu 12:45

Ominen na tódô bud lemwót, nan e nangay hitu dumuhen bud nô bè yó, bede yóm alì sidek egem le sentahen. Tikóng le deng kól, tódô le husek bè yóm tau gónó le nô. Yó gónóm mon, mom mkay senta yóm gna tehe alì ksidek kegnómen du. Lómón yó se yóm angat gfà le yó kem tau gel mò sidek nim kmoen ni.”

Matyu 21:34

Tikóng deng kól bè kbunguhen yó kem huluhen yó, wen kem tau dóken ebè yó kem tau deng tehe hogoten du anì hwit le ebéléen yóm kun bad.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Matyu 22:7

Ya tey sidek kebut yóm tau hol geta. Tódô hógówen yó kem sendaluen nan e hfatay lu yó kem tau monok yó, gotu htemen yóm kul syudad.

Mark 12:10

Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.

Mark 12:8

Tahu se, tódô sensogot le ne hnatay le, tudà le hulé labat.”

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Sulat Pol Ebè Yó Kem Tau Hemtahu Bè Rom 10:20

Ngem ke Isaya kun, là kóen hadà tmulón du yóm tehe mon Dwata ekni, yóm monen, “Deng mom ton le ou yó kem tau tehe là mebel dou. Ne denge hdilô bè yó kem tau tehe là smólók dou.”

Juswa 23:15

Yóm kdohò yóm fasaden kuy hol lómón yó se kdohò yóm ktafaken kuy ke là mimón ye efet ye gotu mekfung ta nim tey tonok hyu deng blayen kuy.