Mark 12:5 - Udél Dwata: Gna Kesfasad ne Lomi Kesfasad

⁵ Ne yó nmò yóm tau fun hulu, bud mdók sotu tau etu, deng mom hnatay le kmò le du. Ne dê he dumu tau bud hógówen yóm tau fun hulu yó. Wen se bnogul le, ne wen se tódô hnatay le.

Mark 12:5 Iomraidhean Croise

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

Matyu 22:6

Ne yó nmò yó kem dumu, mom sensogot le yó kem tau dók yóm tau hol geta, deng mom senboug le lu, ne hnatay le lu.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Mark 12:4

Ne tikóng ton yóm fun hulu yóm nmò le yó, ominen bud mdók etu sotu tau. Tikóng bud kól ditu, deng mom bnogul le te kuluhen yóm tau yó, ne tey kehyak le du.

Mark 12:6

Tek sotu ne duen yóm nóló hógówen yóm tau fun hulu yó, yóm hol tek sotu ngaen logi, yóm gónón nô nawahen. Ni se hol són hógówen, monen, ‘Kaem ni se yóm nadat le, yakà hol ngau du.’ Ne tahu se, hewóten yóm ngaen.

Mark 9:13

Okóm tódô tulónu kuy,” mon Jisas, “deng sut se Ilaydya, okóm tódô nmò le béléen yóm kul knóyô, hol lómón se yóm deng kmon Dwata du bè Sulaten gbak ebéléen.”

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”