Mark 12:42 - Udél Dwata: Gna Kesfasad ne Lomi Kesfasad

⁴² Ne sut yóm sotu libun bolu laen dù gónón ma, gbót bemlay se kun. Tek lewu lad blayen, laen hol btesen.

Mark 12:42 Iomraidhean Croise

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Matyu 5:26

Tódô tulónu kóm ktahuhen, là kói na a gewà ke là nam gotu gbayad du yóm salaem.”

Mark 12:41

Myón Jisas klohok yóm gónó le hemnô filak lem yóm Gónô Dwata. Bè yóm kyónen bè yó, tonen yóm gel blay le ebè Dwata yó kem tau. Tey dê tau wen kendengen le tonen, ne bong yóm kul blay.

Mark 12:43

Bè yóm kton Jisas du nim ni, tnabahen ebéléen yó kem gel lemolò du, ne monen mò kul, “Tenngel ye nim libun bolu laen dù gónón ma nii. Tódô tulónu kuy ktahuhen, alì bong yóm kun blay senta yóm kul blay yó kem dumu tau.

Kun Snulat Luk 12:59

Tódô tulónu kuy ktahuhen,” mon Jisas, “là kói na a gewà ke là nam gotu gbayad du yóm salaem.”

Kun Snulat Luk 21:2

Ne bud tonen se yóm sotu libun bolu, yóm laen dù gónón ma, gbót bemlay se kun. Yóm kun filak blay yó, tek lewu lad.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

2 Kurin 8:2

Balù yóm alì ksidek yóm keglayam le, mom temnù he yóm tey kligal le. Lemwót bè yóm tey kligal le, tey bong yóm gel blay le bè yó kem dumu le hemtahu, balù yóm tey kélél le se kul.