Mark 12:41 - Udél Dwata: Gna Kesfasad ne Lomi Kesfasad

⁴¹ Myón Jisas klohok yóm gónó le hemnô filak lem yóm Gónô Dwata. Bè yóm kyónen bè yó, tonen yóm gel blay le ebè Dwata yó kem tau. Tey dê tau wen kendengen le tonen, ne bong yóm kul blay.

Mark 12:41 Iomraidhean Croise

Matyu 27:6

Yóm filak tudà Judas, gotu bud nulut yó kem geta bè yó kem gel demsù ebè Dwata ne mon le, “Là hyuhen bè yóm hlau tekuy ke homong te bè yóm filak gel blay le ke Dwata yóm filak ni, yakà filak bli litô tau du.”

Mark 12:42

Ne sut yóm sotu libun bolu laen dù gónón ma, gbót bemlay se kun. Tek lewu lad blayen, laen hol btesen.

Kun Snulat Jan 8:20

Ni se udél Jisas bè yóm ktoloken bè Gónô Dwata igoen myón bè yóm dfél gónóhen nô yó kem kahun gónó le gel hemsù filak mò blay le ebè Dwata. Laen kô dù tau kemfô du, abay se là dengen kól du he yóm kdaw Dwata hemlus du.