Mark 12:2 - Udél Dwata: Gna Kesfasad ne Lomi Kesfasad

² Tikóng deng mungu yó kem huluhen yó, wen sotu tau dóken ebè tu kem tau fen tehe hogoten du anì hwit le ebéléen yóm kun bad.

Mark 12:2 Iomraidhean Croise

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”

2 Tutul Israél 36:15

Yó nmò Dwata yóm kul Dwata hol gónó mogot yó kem tehe fù le, wen kem tugoden senflós hógówen elem blóng le mò eles hetgama kul, abay se là móyóen gemlà kul, dalang se yóm Gónô gónóhen nô lem blóng le, là móyóen ke gebà.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Sikaraya 7:7

Yóm udélu ebélê ye ni, bud ni se udél tehe htugodu yó kem gna tugodu ekni bè yóm kdaw tehe alì kwen tau sebwól bè Jirusalim ne bè yó kem benwu lemnek bè Juda. Dalang se bè Négéb ne bè yó kem but henfek bè Juda, hono kem benwu tehe tey wen tauhen.’ ”

Matyu 21:34

Tikóng deng kól bè kbunguhen yó kem huluhen yó, wen kem tau dóken ebè yó kem tau deng tehe hogoten du anì hwit le ebéléen yóm kun bad.

Mark 12:1

Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.

Mark 12:3

Timbow kól ditu yóm tau dóken, deng mom yó nmò le béléen, tódô sensogot le, ne lel le semboug du, ne tódô hulék le hkawang.

Kun Snulat Luk 12:48

Bong yóm tau ke là deng tngónen du kun yóm hol kóyô yóm gónóhen mogot, ne gmoen se kun yóm gónóhen megtafak, là katen alì mgel kboug le du. Yóm tau ke bong yóm hogot le du, bong se hendón le béléen. Ne yóm tau ke alì bong se yóm hogot le du, milud se kbongen yóm hendón le béléen.”

Kun Snulat Luk 20:10

Tikóng deng kól bè kbunguhen yó kem huluhen yó, wen sotu tau dóken ebè tu kem tau tehe hogoten du anì hwit le ebéléen yóm kun bad. Yóm kkólen bélê le ditu yóm tau dóken yó, deng mom senboug le, ne tódô hulék le hkawang.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.