Mark 12:12 - Udél Dwata: Gna Kesfasad ne Lomi Kesfasad

¹² Tódô tngón yó kem tau gónó le galak yó kem Ju yóm kegbaken ebélê le yóm deng hningón Jisas yó. Yó nmò le, tódô tô kendel kenfô le, okóm likò le yó kem tey tau wen sbung bè yó. Tódô sentagak le Jisas bè yó, ne mulék le.

Mark 12:12 Iomraidhean Croise

Matyu 21:26

Ke bud mon tekuy se lemwót bè tau, déke mom wen sidek nmò le bélê tekuy yó kem tau, abay se bè kul kehedem du, hol tau tugod Dwata yóm Jan.”

Matyu 22:22

Ya tey ketnga le du yóm kbalà Jisas kul yó. Tódô le lemwót, tnagak le Jisas.

Mark 11:18

Ne gungol le se kul yó kem geta bè yó kem gel demsù ebè Dwata, ne yó kem tau gel tmolok hlau yóm deng nmò Jisas yó. Yó nmò le, mebel le lan le hmatay du, okóm likò le béléen, abay se tey tau wen gel hmungol du yóm ktoloken, ne tey kehtaw le du.

Mark 11:32

Bud là hyuhen se ke mon tekuy lemwót bè tau.” Yó gónó le mon du yóm yó, abay se likò le bè yó kem tau, yakà bè kul kehedem du hol tau tugod Dwata yóm Jan.

Kun Snulat Luk 20:19

Tódô tngón yó kem tau gel tmolok hlau ne yó kem geta bè yó kem tau gel demsù ebè Dwata yóm kegbaken ebélê le yóm hningón Jisas yó. Ne tódô tô kendel kenfô le bè yó, okóm knikò le yó kem dumu tau.

Kun Snulat Luk 20:6

Okóm ke mon tekuy lemwót bè tau, déke angat hnatay sentudà le tekuy botu yó kem tau, abay se bè kul kehedem du, hol tugod Dwata yóm Jan.”

Kun Snulat Jan 7:25

Ne yó udél yó kem dumu tau bè yó bè Jirusalim, mon le, “Ni kô yóm tau tendo nóló hnatay yó kem tau genlal?

Kun Snulat Jan 7:30

Bè yóm kmon Jisas du yóm yó, deng tódô tô senkfô le, okóm là gmò le du béléen abay se là dengen hto he yóm buteng Dwata hemlus du ebélê le.

Kun Snulat Jan 7:44

Wen se tô móyô kemfô du, okóm laen dù tau mlos mò du.