Mark 12:10 - Udél Dwata: Gna Kesfasad ne Lomi Kesfasad

¹⁰ Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.

Mark 12:10 Iomraidhean Croise

Isaya 28:16

Ne ni se udél yóm Dwata hol dandónen geta gónó tekuy mogot, monen, “Wen yó kem botu alì mbegel mò gónón myón yóm beng deng suu bè Sayun mò hol hembegel du yóm Gónô angat hdau bè yó. Wen sotu botu suu bè yó mò hdengen ne wen snulatu du yóm monen, ‘Yóm tau mbegel kehtahuhen, hanayen nawahen.’

Matyu 12:3

Bnalà Jisas lu, monen, “Deng hónô senfala ye yóm tehe nmò Dabid ne yó kem kun tau bè yóm tehe kbitil le.

Matyu 19:4

Bnalà Jisas lu, monen, “Deng hónô senfala ye yóm monen bè Sulat Dwata. Bè yóm hol kbuten nmò Dwata yóm tau, logi ne libun.

Matyu 21:16

Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,

Mark 12:26

Ne bè yóm snólók ye bè yóm angat bud klowil tau gu lem hatay,” mon Jisas, “là deng gesfala ye du kô yóm tehe hsulat Dwata ke Musis, yóm tehe kehlingu Dwata béléen bè dilóf ofi bè yóm sotu ngà koyu lefungu? Yó udél Dwata ebéléen gu lem tum dilóf, monen, ‘Ou se sana kul Dwata le Abraham ne Isak ne Jakub.’ Bè yóm udél Dwata yó,” mon Jisas, “gónó ye temngón du yóm deng bud klowil Dwata kul. Abay se yóm Dwata, du se Dwata yó kem mowil, là bè yó du kem là mowilen. Tey salà kehedem ye du.

Mark 12:9

Bud wen snólók Jisas bélê le, monen, “Ke yó se nmò yó kem tau mogot hulu, tedu se nmò yóm tau fun hulu? Yó nmoen, tódô lemwót etu bélê le nan e gotu hnatay lu, bud tólóng tau ne hogoten du yóm huluhen yó.”

Mark 13:14

Bud mon Jisas, “Angat wen ton ye yóm alì sidek knikò, tódô mdà bè Gónô Dwata, yóm tô matù ke Dwata.” Yóm tau semfala du nim ni, hol hennagien kmò klanen. “Ke sok kól yóm kdaw yó, eles le mlóy elem bulul ne yó kem tau menwu bè prubinsya Judiya.

Mark 2:25

Bnalà Jisas se lu, monen, “Deng hónô senfala ye se yóm tehe nmò Dabid ne yó kem tauhen bè yóm kdaw laen dù ken le, ne tey kbitil le.

Kun Snulat Luk 6:3

Fen bnalà Jisas lu, monen, “Deng hónô senfala ye yóm tehe nmò Dabid ne yó kem tauhen bè yóm tehe kbitil le.

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”