Mark 11:3 - Udél Dwata: Gna Kesfasad ne Lomi Kesfasad

³ Ke wen tau smólók kuy, ‘Moen yó du ke ntó ye?’ yó mon ye mò du, ‘Wen muhen du yóm gónó tekuy mogot, bud kendel huléken he kun.’ ”

Mark 11:3 Iomraidhean Croise

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Kem Lingón 24:1

Dwata se mfun du yóm klamangen benwu ne yóm kdéen nô lemen. Ne kdéen tau nô tahen, hono kun.

Mark 11:2

monen mò kul, “Mógów ye ebè tum benwu udì tuu. Sok ye kól ditu, angat wen ton ye ngà nati fét. Yóm ngà nati yó, laen kô deng gemsakay du. Tódô ntó ye, nit ye dou edini.

Mark 11:4

Tahu se, lemwót yó kem lewu hógówen yó koni. Tikóng le kól ditu, tódô ton le yóm ngà nati nô bè lan, deng fét le bè bak dól yóm gónô. Bè yóm któ le du,

Mark 14:15

Ne angat toloken kuy yóm dfél bong bè sodò seel le tefi ta. Ne yóm dfél yó, deng eles tódô ket du ne yóm kdê kimu ken nô bè yó. Ne bè yó gónó ye mò du yóm mò ken tekuy.”

Kul Nmò 1:24

Omin le na mni bè Dwata, mon le, “Ó Dwata, deng gotu tngónem yóm nô lem hendem ket tau. Tolokem kum yóm deng nélékem bè ni kem lewu tau ni

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Kul Nmò 17:25

Ne laen se kô gónón htóbóng bè tau, abay se laen dù gónón élél. Mom du ne hlowil tau, ne bemlay kul nawa le, ne kdê yó kem wen mu le du.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.