Mark 11:23 - Udél Dwata: Gna Kesfasad ne Lomi Kesfasad

²³ Tódô tulónu kuy ktahuhen, ke là megewu kehtahu ye, ne ke hol nô bè nawa ye yóm angat kguta ye yóm hni ye, gbek ye tódô mdók nim bulul nii anì mdó bè ni ne mili elem mohin, kaem tódô nimónen yu.

Mark 11:23 Iomraidhean Croise

Kem Lingón 37:4

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Matyu 14:13

Bè yóm kungol Jisas du yóm deng glumfak Jan, kewót le bè yó són lu smakay ówóng etu fatu lanaw bè yóm gónón tinof. Ne e gungol yó kem tau yóm kewót le Jisas yó, tódô le lemwót se kul gu bè kul benwu, gotu le tmonok mentad hilol lanaw na le e lenebet Jisas.

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Kun Snulat Luk 17:6

Bnalà Jisas se, monen, “Ke bnotù tekuy yóm kehtahu ye, anien ke lómón kutiten yóm lem hulu alì lemnek bè kdéen, kaem gbek ye ne mdók nim koyu bong nii anì tódô mdó bè ni, ne mili elem mohin, tódô nimónen yu.”

Kun Snulat Jan 14:13

Balù kihu hni ye bè Dwata hlan ye bè dou boluy,” monen, “tódô blayu kuy mò gónón megdóyón béléu Mà.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?