Mark 11:1 - Udél Dwata: Gna Kesfasad ne Lomi Kesfasad

¹ Ngang le Jisas mógów efet le moni bè Jirusalim. Móyón le sut bè yó kem lewu benwu lemnek boluyen Bitfid ne Bitani, nô lem henfek yóm Bulul Ulib. Ne hegna Jisas yóm lewu bè yó kem gel lemolò du,

Mark 11:1 Iomraidhean Croise

2 Samwél 15:30

Omin Dabid mneged eta Bulul Ulib, igoen mkik. Tódô mógów hono hólól ti ne bnausen kuluhen, ilô yóm klangagen. Dalang se yóm kdê tau mung du, bud bnaus le se kul kulu igò le mkik mneged eta yóm bulul.

Sikaraya 14:4

Bè yóm kdaw yó, angat mdà ta Bulul Ulib Dwata, yóm bulul fi dmata kdaw Jirusalim. Ne yóm Bulul Ulib yó, tódô meskang bè gónón sóól, baling datal lamang lenwóten fi dmata kdaw kól desdef. Yóm sóól yóm bulul yó tódô mili fi bwak ne yóm sóólen tódô mili fi leged.

Matyu 21:17

Timbow deng yóm kudél Jisas yó koni, ominen tmagak kul, hlós ebè Bitani, ne ditu gónón tungô.

Matyu 24:3

Ngang Jisas mógów efet kól bè Bulul Ulib, ne myón bè yó. Omin le mógów ebéléen yó kem gel lemolò du, són lu, snólók le béléen, mon le, “Ó Sér, kilón kdohoen yóm deng tulónem kum yó koni? Tedu de ilô me du yóm bud ksutem ne yóm hol són kdaw?”

Matyu 26:30

Tikóng deng kinum le, omin le gotu semngal yóm sotu sngal dmóyón ke Dwata, omin le lemwót ebè Bulul Ulib.

Mark 11:2

monen mò kul, “Mógów ye ebè tum benwu udì tuu. Sok ye kól ditu, angat wen ton ye ngà nati fét. Yóm ngà nati yó, laen kô deng gemsakay du. Tódô ntó ye, nit ye dou edini.

Mark 13:3

Ngang Jisas mógów efet kól bè Bulul Ulib, fi fatu yóm Gónô Dwata yó koni, ominen myón bè yó. Ne mógów le se ebéléen le Pitér ne Jim ne Jan ne Andru, tek són lu, ne snólók le bè Jisas, mon le,

Mark 14:13

Omin Jisas mdók lewu bélê le, monen mò kul, “Mógów ye ebè syudad Jirusalim. Ke deng ye kól ditu, angat wen logi semlong kuy mit él. Tódô ye huli du

Mark 6:7

Ominen semtifun kul yó kem sfolò lewu gel lemolò du, ne wen gónón e hógów kul, bede ket kul na lewu kmò khógówen kul. Ne wen ktued blayen kul anì gbek le hdó busaw.

Kun Snulat Jan 8:1

Lemwót ke Jisas kun, mógów ebè Bulul Ulib.

Kul Nmò 1:12

Kewót le bè yó bè Bulul Ulib yó kem tehe hógów Jisas, mulék le ebè Jirusalim, tek sotu kilumitru klayuken bè yóm bulul yó.