Mark 10:51 - Udél Dwata: Gna Kesfasad ne Lomi Kesfasad

⁵¹ Mon Jisas mò du, “Tedu de yóm hmoem dou?” Mon yó sem tau butô yó, “Htonem ou, Sér.”

Mark 10:51 Iomraidhean Croise

2 Tutul Israél 1:7

Bè yóm kifu yó hegfan bè Selumun Dwata, bede hlanen bè knahen ne snólók Dwata, “Tedu de nóyóem? Mnihi béléu ne angat blayu kóm.”

Matyu 23:7

Dalang se ke mógów le ebè fedyan, kóyô le ke hol nadat tau lu ne ke tnaba le lu ‘Tau tmolok.’

Matyu 23:8

Okóm kuy du,” mon Jisas, “hol bê ye abay móyô ke tnaba le yu ‘Tau tmolok.’ Kaem gotu ye setwoli yóm kdê ye, ne tek sotu yóm tmolok kuy.

Matyu 6:8

Bê ye dnalang yóm kul nmò yó. Kaem deng eles tngón yóm Mà tekuy bè longit yóm wen mu tekuy du gu laan tekuy là deng mni du béléen.

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Mark 10:36

Mon Jisas se, “Tedu de?”

Mark 10:50

Tódô kóhen legmoten yóm tau butô yó, ne hebkó mdà, mógów ebè Jisas.

Kun Snulat Jan 20:16

Omin Jisas mon du mò du, “Na Midi.” Omin Midi bud beklil ebéléen, ne monen mò du bè udél Hibru, “Rabuni.” (Yó lanen, “Tau Tmolok.”)

Kul Nmò 23:19

Omin yóm kmandér malak bè sigel yóm ngà logi yó koni, lifut snólóken béléen, monen, “Tedu de yóm tô tulónem dou?”

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.