Mark 10:21 - Udél Dwata: Gna Kesfasad ne Lomi Kesfasad

²¹ Yóm ketngel Jisas ebéléen mom gkoduhen, monen mò du, “Sotu he duen tolo gónóhem là deng sikof. Tu ne muléki, nam e hbalù yóm kdê nô béléem, ne blayem bè tu kem tau élél yóm blihen, ne angat wen tey kendengenem bè longit. Lemwót yó dum kóm, loloem o.”

Mark 10:21 Iomraidhean Croise

Tekang Kbuten 34:19

Lemwót bè yóm alì kbong nawa Sékém ke Dina, tódô kendel nmoen yóm hmò le du yó kem logi Dina. Yóm Sékém ni, du se hol nadat yóm kdê fes lówóhen.

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Matyu 19:21

Bud bnalà Jisas se, monen, “Ke móyói hol gulit, tu ne muléki nam e hbalù kdê nô béléem, ne blayem bè tu kem élél yóm blihen. Ke yó nmoem, angat wen tey kendengenem bè longit. Ne lemwót yó dum kóm, loloem ou.”

Mark 10:22

Timbow gungol nim tau ni koni yóm udél Jisas ebéléen, tódô dilô lem uyóhen yóm tey sidek keblat nawahen. Tódô mulék igò yóm tey sidek kegnómen du, abay se tey wen kendengenen.

Mark 8:34

Omin Jisas sembung yó kem tey tau wen bè yó, dalang se yó kem gel lemolò du, ne monen mò kul, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ominen yó lemolò do.

Kun Snulat Luk 10:42

Tek sotu se yóm bong muhen, duhen yóm deng kun nélék Midi, yóm laen dù bud gemwa du béléen.”

Kun Snulat Luk 12:33

Hebli ye yó kem kimu ye, ne blay ye bè yó kem tau élél yóm blihen. Ke yó nmò ye, lómón ke deng wen filak henyu ye bè longit bè yóm gónó hemyu filak là buden sidek. Ke wen ten-ginof ye bè longit, là kô wen fen mtón du ne laen se dù mnagaw du ne laen se dù kaba hemsidek du.

Kun Snulat Luk 16:9

Tódô tulónu kuy,” mon Jisas, “Hol gel benlay ye yó kem tau élél yó kem kendengen ye te tonok. Abay se ke deng gotu blay ye, angat tey khódó Dwata kuy ditu bè yóm gónó ye angat nô laen kô dù tul sónen.

Kun Snulat Luk 18:22

Timbow gungol Jisas nim monen ni, monen mò du, “Sotu he duen tolo gónóhem là deng sikof. Hbaluem yóm kdê nô béléem, ne blayem bè tu kem tau élél yóm blihen. Ke yó nmoem, angat wen tey kendengenem bè longit. Lemwót yó dum kóm, loloem o.”

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Kun Snulat Luk 9:23

Ne yó bud mon Jisas ebè yóm kdê le, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros ket haya, ominen yó lemolò do.Yóm tau, ke knamaen klowilen, angat lana béléen yóm klowilen yó. Okóm yóm tau ke là knamaen du yóm klowilen lanen lemolò do, angat gutahen yóm klowil laen dù sónen.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kul Nmò 2:45

Gel hbalù le yóm tonok le duhen ke kimu le. Lemwót yó kem blihen, sensólól le bè yó kem tau wen mu le du.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.

Hibru 10:34

Ne gel ye gbót glayam bè yóm kegkukub yó kem dumu ye hemtahu. Balù yó kem tau mled kimu ye, là kóen sidek kehedem ye ebélê le, mom wen he yóm kuy kehligal, abay se deng tngón ye wen yóm tey kuy kimu alì hyu laen dù sónen ditu bè longit.

Sulat Jim 2:10

Baluen he ke gotu lolò yóm tau kdê yó kem hlau Dwata, okóm ke sotu guléhen du, deng guléhen yóm kdéen.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

Deng Hegfan 2:20

Bede wen se kenbéu bélê ye. Yó kenbéu yóm sotu libun nô bélê ye bè yó lembù tmugod ke Dwata boluyen Jésébél. Tódô kem bayà ye du yóm gel ktoloken, ne deng mom niten lu hetlas yó kem tau hemtahu béléu, deng mom nbóten lu mò samuk, ne yóm kegken le yóm ken deng dsù le ebè yó kem dwata kéng.

Deng Hegfan 2:4

Bede wen se yóm kenbéu bélê ye. Yó kenbéu bélê ye yóm tey kbong nawa ye do bè kbut yóm kehtahu ye deng mom monol.