Mark 10:1 - Udél Dwata: Gna Kesfasad ne Lomi Kesfasad

¹ Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Mark 10:1 Iomraidhean Croise

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.

Jirimaya 32:33

Deng knogol le ou yóm kdê le là bud le móyô semfulék. Tódô senflósu tmolok kul yóm hyu, tnódónem là kô le móyô hmungol, là kô le móyô mimón.

Matyu 26:55

Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim na ye e kekfô dou ni. Ilóem tô heskél ye ou bè yóm tau gel mò sidek. Igou se gel myón tmolok lem Gónô Dwata ket kdaw, là se kô géhél kenfô ye do.

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Mark 1:21

Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegnô, lemwót Jisas mógów ebè kul gónô gel stifun yó kem Ju nan tmolok bélê le bè yó.

Mark 10:2

Yóm knóen bè yó, wen kem Farisi mógów ebéléen, wen snólók le béléen mò dalil duón le du, mon le, “Là sideken bè hlau tekuy kô ke skó bè yehenen yóm logi?”

Mark 12:35

Bè yóm igò Jisas tmolok bè Gónô Dwata, wen snólóken bélê le, monen, “Boluy se tô klanen du yóm gel mon yó kem tau tmolok hlau, angat semfu gu bè tehe Dabid yóm Misaya?

Mark 14:49

Igò sem ket kdawu myón tmolok lem Gónô Dwata, là sem dog kenfô ye do. Okóm nim nmò ye béléu ni, deng gónón dohò yóm tehe monen bè Sulat Dwata.”

Mark 2:13

Kewót Jisas bè yó, bud mógów etu bè kilil Lanaw Galili. Ya tey bud tau stifun ebéléen, ne wen bud toloken kul bè yó.

Mark 4:2

Tey dê toloken kul, bede sal hlanen bè hlingón, yó monen,

Mark 6:2

Timbow deng bud kól bè yóm Kdaw Kehegnô, yó nmò Jisas tmolok bè yóm kul gónô gel stifun yó kem Ju bè yó. Tey tau wen stifun hmungol du, ne tey ketnga le, mon le, “Gónón ma du yóm alì khulungen tmolok nim tau ni? Ne gónón lemwót yóm tey ketngónen? Tedum mò kmoen du yó kem hentaw ton gel nmoen?

Mark 6:34

Timbow le dmuung le Jisas, tódô glo le yó kem tey tau wen. Ya tey kkodu Jisas kul, abay se lómón tô le ubiha laen mdengen semgyok kul. Ominen tódô mbut tmolok kul bè yó, ne tey dê toloken kul.

Mark 6:6

Ne tey ketngahen du yóm là kehtahu le béléen yó kem tau bè yó. Timbow bud lemwót bè yó Jisas, nan e tmolok bè yó kem dumu benwu hmilol.

Kun Snulat Jan 10:40

Kewót Jisas bè yó, ne bud mógów efatu Jurdan bè yóm benwu gónó Jan tehe gel mabtays, ne bè yó gónón nô.

Kun Snulat Jan 11:7

Yó he kmonen du mò yó kem gel lemolò du, “Lemwót tekuy ne, mulék tekuy ebè Judiya.”

Kun Snulat Jan 18:20

Bnalà Jisas se, monen, “Bè yóm gel ktoloku, sal gele tmolok bè gónón wen. Gele tmolok bè yó kem gónó le gel stifun yó kem tau, duhen bè yó kem gónó le gel stifun yó kem Ju ne bè yóm Gónô Dwata. Laen kô dù bnosu.