Mark 1:8 - Udél Dwata: Gna Kesfasad ne Lomi Kesfasad

⁸ Béléu dou, él gel babtaysu kuy. Okóm yó kun kmò kbabtaysen kuy, suen bélê ye yóm Tulus Dwata.”

Mark 1:8 Iomraidhean Croise

Kem Udél Hlalak Tehe Selumun 1:23

Ke hnungol ye yóm kbólówu kuy gotu hetngónu kuy yóm dou hendem ne yóm dou ketngón.

Isaya 32:15

Bede angat bud hwit Dwata elem blóng tekuy yóm kun Tulus. Yó kem tonok là bud hyu mò hulu tahen, angat bud baling tonok hyu ne angat tey bong nuta le du.

Isaya 44:3

Angat nmou él gu lem yóm benwu balù udì ke tehe wen élen. Ne wen él hlelu bè yóm tonok alì sidek kékéngen. Ne tódô suu bè yó kem ngà ye yóm dou Tulus ne tey któbóngu yó kem sfu ye.

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Mark 1:7

Yó heglalagen bè yó kem tau, monen, “Wen huli dou alì mfasang sentahu. Là kóe knóón balù olohu hesek béléen.

Mark 1:9

Sotu kdaw bè yó, sut bè Jan Jisas, lemwót gu bè Nasarit, yóm benwu udì glem prubinsya Galili. Yó nógówen, nan e hbabtays ke Jan bè él Jurdan. Tahu se, bnabtays Jan Jisas.

Kun Snulat Luk 3:16

Okóm yó udél Jan ebélê le, monen, “Béléu do, él gel babtaysu kuy. Okóm wen móyón sut hol mfasang sentahu. Là kóe knóón baluen ke olohu hesek béléen. Yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul.

Kun Snulat Jan 1:26

Bnalà Jan lu, monen, “Él yóm gel babtaysu yó kem tau. Okóm wen deng sut lem blóng ye là dilô ye du.

Kun Snulat Jan 1:33

Là kô tehe dilóu du se dou ke du yóm deng nélék Dwata ke là yóm deng eles ktulón Dwata du dou bè yóm tehe khógówen dou mò na a mabtays kuy bè él. Eles monen mò dou, ‘Sok tonem yóm dou Tulus htuntun gu tta ebè yóm sotu tau, ne angat tódô hlós nô béléen, deng duhen yó se yóm tau angat mabtays kuy yóm dou Tulus.’

Kul Nmò 1:5

Bong ke Jan kun, él yóm gel babtaysen kem tau. Okóm tek hilu kdaw ne duen bnabtays Dwata yu bè Tulus Dwata.”

Kul Nmò 10:45

Ya tey ketnga yó kem Ju dumu Pitér lemwót bè Jupa yóm keblay Dwata du yó kem tau là Ju le yóm Tulusen.

Kul Nmò 2:17

‘Sok móyónen kól yóm hol són kdaw, mon Dwata, ni se angat nmou. Angat suu bè kdéen tau yóm dou Tulus. Yó kem ngà ye logi ne kem ngà ye libun, angat tugod le yóm dou udél. Ne yó kem logi lomi lemnok, angat wen gel htonu kul. Ne yó kem tuha logi, angat wen gel heknahu kul.

Kul Nmò 2:4

Yó se kmò ksuten bélê le yóm Tulus Dwata. Bè yóm ksuten bélê le yó, tódô le hulung mudél bè yóm udél là deng tehe kul tngón du, abay se yóm Tulus Dwata fen hetngón du kul.

1 Kurin 12:13

Lómón yó se yóm kdê tekuy lemolò ke Krays. Bè yóm tehe kehbabtays tekuy, henbalingen tekuy sotu lówó yóm Tulus Dwata, kihu ke Ju duhen ke là Ju le, ke tau klifen duhen là klifen le. Liman ke tek sotu lówó tekuy, abay se tek sotu yóm Tulus Dwata tendo nô bélê tekuy.