Mark 1:7 - Udél Dwata: Gna Kesfasad ne Lomi Kesfasad

⁷ Yó heglalagen bè yó kem tau, monen, “Wen huli dou alì mfasang sentahu. Là kóe knóón balù olohu hesek béléen.

Mark 1:7 Iomraidhean Croise

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Matyu 3:14

Okóm mom yó balà Jan du, monen, “Béi mom hbabtays béléu, ou dé bnabtaysem.”

Mark 1:6

Nim Jan ni, yó nesen yóm nmò le lemwót gu bè bul kamél, ne yó hileten kulit ógóf ne yó gel kenen són tlangas ne tneb.

Mark 1:8

Béléu dou, él gel babtaysu kuy. Okóm yó kun kmò kbabtaysen kuy, suen bélê ye yóm Tulus Dwata.”

Kun Snulat Luk 3:16

Okóm yó udél Jan ebélê le, monen, “Béléu do, él gel babtaysu kuy. Okóm wen móyón sut hol mfasang sentahu. Là kóe knóón baluen ke olohu hesek béléen. Yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul.

Kun Snulat Jan 1:27

Du se yóm monu sut huli do, okóm tey mfasang sentahu he kun. Baluen ke olohu hesek béléen, là kóe na a knóón.”

Kul Nmò 13:25

Bè yóm deng móyón kegesón yóm kun ktolok Jan, yó udélen ebè yó kem tau, monen, ‘Ofo kuy mon du kô ke ou yóm gel nangat ye? Là gi. Huli dou yóm tau nangat ye yó. Là kóe knóón ke tóe hesek béléen.’

Kul Nmò 19:4

Mon Pol se, “Yóm tehe kbabtays Jan mò ilô yóm tau ke deng knogolen yó kem sidek gel nmoen. Okóm sotu gel tulón Jan yó kem tau Israél, ke hol hentahu le yóm sut huli du, duhen Jisas.”

1 Samwél 25:41

Tódô hegdufok ebè tonok Abigil, monen, “El, móyóe se mò heseken mò molob ti yó kem tóbóng lówóhen.”