Mark 1:6 - Udél Dwata: Gna Kesfasad ne Lomi Kesfasad

⁶ Nim Jan ni, yó nesen yóm nmò le lemwót gu bè bul kamél, ne yó hileten kulit ógóf ne yó gel kenen són tlangas ne tneb.

Mark 1:6 Iomraidhean Croise

2 Bok Kem Tau Hol Geta 1:8

Bnalà le se, mon le, “Yó nesen nmò le gu bè kulit ógóf, ne yóm hileten bud kulit ógóf.” Mon yóm tau hol geta se, “Ilaydya myó yóm tau lemwót bè Tisbi.”

Sikaraya 13:4

Bè yóm kdaw yó, ket tau tmugod bè dwata kéng, sal bud mulék myak du bè yóm bud tulónen. Là bud leseken du ne yóm nes gel lesek yóm tugod Dwata tehe gel leseken, mò smukat kem dumun.

Matyu 3:4

Nim Jan ni, yó nesen nmò le lemwót gu bè bul kamél ne yó hileten kulit ógóf ne són tlangas ne tneb gel kenen.

Mark 1:5

Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim. Tódô gotu benkas tulón le du salà le, ne bnabtays Jan lu bè yóm él Jurdan.

Mark 1:7

Yó heglalagen bè yó kem tau, monen, “Wen huli dou alì mfasang sentahu. Là kóe knóón balù olohu hesek béléen.