Mark 1:5 - Udél Dwata: Gna Kesfasad ne Lomi Kesfasad

⁵ Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim. Tódô gotu benkas tulón le du salà le, ne bnabtays Jan lu bè yóm él Jurdan.

Mark 1:5 Iomraidhean Croise

Kem Lingón 32:5

Yó gónóm mon, deng gotu benkasu ebéléem, Dwata, yó kem salau, laen kô dù bunihu béléem. Bè yóm kebkasu du béléem yóm kdéen, deng gotu hnifótem béléu ne yó kem sidek tehe gel nmou.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Matyu 4:25

Ya tey tau wen lemolò du lemwót gu bè klamangen Galili ne bè klamangen yóm benwu bnoluy le Sfolò Benwu, ne bè syudad Jirusalim, ne bè klamangen Judiya ne yó kem dumu benwu sentu él Jurdan.

Mark 1:4

Tahu se, wen sotu tau boluyen Jan, tódô sut bè yóm benwu laen dù tau menwu du. Yó nmoen, mabtays tau, ne hetngónen kul yóm Udél Dwata. Yó gel monen mò kul, “Hegsel ye ne, knogol ye ne yó kem sidek gel nmò ye, ne hbabtays ye, ne angat hnifót Dwata se yó kem salà ye.”

Mark 1:6

Nim Jan ni, yó nesen yóm nmò le lemwót gu bè bul kamél, ne yó hileten kulit ógóf ne yó gel kenen són tlangas ne tneb.

Kun Snulat Jan 1:28

Yóm gónó le stulón yó koni, ditu bè yóm sotu Bitani seblà fi dmata kdaw él Jurdan, bè yóm gónó Jan gel mabtays.

Kun Snulat Jan 3:23

Dalang se ke Jan, mabtays se kun bè yóm benwu boluyen Inun, lemoni bè Salim. Yó gónón mabtays ditu, abay se bong yóm élen. Tódô seflós tau tendo gel mógów ebéléen na le e hbabtays du.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Kul Nmò 19:18

Bè yó kem tau hemtahu, tey dê bélê le tódô gotu benkas tulón le bè gónón wen yóm kul gel nmò.

Kul Nmò 2:38

Mon Pitér se mò kul, monen, “Yake hol kleng ye du te bótóng ne yó kem sidek deng gel nmò ye. Hbabtays ye hlan ye bè boluy Jisas Krays anì hnifót Dwata yó kem salà ye. Ke yó se nmò ye, wen blay Dwata kuy, duhen yóm Tulusen.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Juswa 7:19

Yó mon Juswa mò du, “Tey Tò, hol tulónem ktahuhen bè ni bè solu Dwata, yóm Dwata hol gónó tekuy mogot kem tau Israél. Hol benkasem yóm deng nmoem. Tulónem dou kun, hol béem bnos béléu.”