Mark 1:43 - Udél Dwata: Gna Kesfasad ne Lomi Kesfasad

^43-44 Tey kget kmon Jisas du mò du, “Hol béem abay tulón yóm deng nmou béléem ni. Tódói hekteng mógów ebè tum tau gel demsù ebè Dwata, nam e hetngel du lówóhem. Elesi mit mò dsuem anì nmoem yóm sotu hlau Musis ekni mò gónó le milô du kem dumu tau yóm deng kekó yóm desem. Yó ne,” mon Jisas, “lemwóti ne.”

Mark 1:43 Iomraidhean Croise

Matyu 9:30

Ne tahu se, tódô sen-geng le se bud mton. Ne tey kehget kmon Jisas du mò kul, “Bê ye abay tulón bè kihu tau nim deng nmou bélê ye ni.”

Mark 1:42

Tahu se, tódô sen-gengen se mimot mkó desen yóm tau yó.

Mark 3:12

Tey kget kbólów Jisas yó kem busaw gel malak kul anì là tulón le du yóm ketngón le du.

Mark 5:43

Bede tey mget kmon Jisas du mò kul, “Hol bê ye abay tulón yóm deng nmou bélê ye ni.” Ne bud monen mò kul, “Henken ye dé.”

Mark 7:36

Ne mon Jisas bè yó kem tau bè yó, “Bê ye abay tulón bè kem dumu tau nim ni.” Okóm là kóen skas yóm ktulón le du.

Kun Snulat Luk 8:56

Ya tey ketnga yó kem tuhahen. Okóm tey mget kmon Jisas du mò kul, “Hol bê ye abay tulón yóm deng nmou bélê ye ni.”