Mark 1:41 - Udél Dwata: Gna Kesfasad ne Lomi Kesfasad

⁴¹ Tey kkodu Jisas du yóm tau yó, tódô nan e nenok, monen, “Móyóe tmóbóng kóm. Hol mkó he yóm desem.”

Mark 1:41 Iomraidhean Croise

Tekang Kbuten 1:3

Ne yó udél Dwata, monen, “Dlimunu layag.” Tahu se, tódô sen-gengen se lemayag.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Mark 1:40

Sotu kdaw bè yó, sut bè Jisas yóm sotu tau gemnóm des mifù. Tódô tuden bukolen bè soluhen, ne hkodu béléen, monen, “Ó Sér, ke yó dum móyói, kaem gbekem hkó du nim desu ni.”

Mark 1:42

Tahu se, tódô sen-gengen se mimot mkó desen yóm tau yó.

Mark 4:39

Omin Jisas yó hboluk btik ne mudél ebè yóm lenos, monen, “Botongem ne.” Ne bud monen ebè yóm lewók, “Heneki ne.” Tahu se, tódô kemnas yóm lenos ne menek te lanaw.

Mark 5:41

Kól bè yó, nogoten sigel yóm ngà, ne monen mò du bè kul udél, “Talitha koum.” Yó lanen, “Ó Bun, btiki ne.”

Mark 6:34

Timbow le dmuung le Jisas, tódô glo le yó kem tey tau wen. Ya tey kkodu Jisas kul, abay se lómón tô le ubiha laen mdengen semgyok kul. Ominen tódô mbut tmolok kul bè yó, ne tey dê toloken kul.

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.