Mark 1:40 - Udél Dwata: Gna Kesfasad ne Lomi Kesfasad

⁴⁰ Sotu kdaw bè yó, sut bè Jisas yóm sotu tau gemnóm des mifù. Tódô tuden bukolen bè soluhen, ne hkodu béléen, monen, “Ó Sér, ke yó dum móyói, kaem gbekem hkó du nim desu ni.”

Mark 1:40 Iomraidhean Croise

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

2 Bok Kem Tau Hol Geta 7:3

Bè bak tikeb yóm syudad Samarya, wen fat kem tau gemnóm des mifù myón bè yó, ne yó sentulón le, mon le, “Tedum nangat tekuy bè ni ni du? Angat tekuy matay mni kdeng.

2 Tutul Israél 6:13

Wen gónó le gel hegewà sok wen kestifun hmoen bè tembaga deng hdaen bè yó, mukas lewu mitru klamangen ne mukas sotu mitru kegetahen. Suen bè gónón sóól lósól yóm Gónô Dwata. Ominen motun etahen ne mdà bè yó, ne ominen mtud bukolen bè solu yóm kdéen tau Israél, nbólen eta bè longit hólólen.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Matyu 17:14

Tikóng le deng bud semfulék ebè yó kem tey tau sbung le Jisas, wen sotu tau sut béléen, tódô tuden bukolen bè soluhen, monen mò du,

Mark 1:41

Tey kkodu Jisas du yóm tau yó, tódô nan e nenok, monen, “Móyóe tmóbóng kóm. Hol mkó he yóm desem.”

Mark 10:17

Timbow le deng bud tô lemwót le Jisas, wen sotu tau mlóy ebéléen, tódô tuden bukolen bè soluhen, ne monen mò du, “Ó Sér, uu se yóm tau hyu kmoen. Wen tô snólóku béléem. Tedu de tô nmou du anì gutahu yóm klowil laen dù sónen?”

Kun Snulat Luk 22:41

Kewót Jisas bè yó, hetsik, ne hóyów tnudà yóm klayuken bélê le. Yó nmoen, tuden bukolen bè tonok, ne mni bè Dwata.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

Ifisus 3:14

Duhen yó, botonge mtud bukol bè solu yóm Mà tekuy.