Mark 1:4 - Udél Dwata: Gna Kesfasad ne Lomi Kesfasad

⁴ Tahu se, wen sotu tau boluyen Jan, tódô sut bè yóm benwu laen dù tau menwu du. Yó nmoen, mabtays tau, ne hetngónen kul yóm Udél Dwata. Yó gel monen mò kul, “Hegsel ye ne, knogol ye ne yó kem sidek gel nmò ye, ne hbabtays ye, ne angat hnifót Dwata se yó kem salà ye.”

Mark 1:4 Iomraidhean Croise

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Matyu 3:6

Ni kem tau ni, gotu benkas tulón le ke Jan yó kem salà le, ne bnabtays Jan lu bè yóm él Jurdan.

Mark 1:5

Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim. Tódô gotu benkas tulón le du salà le, ne bnabtays Jan lu bè yóm él Jurdan.

Kun Snulat Luk 1:77

Yakà uu du yóm fen hetngón du bè yó kem tau yóm lan le gewà gu lem hatay ke heflifót le ke Dwata yó kem salà le.

Kun Snulat Jan 3:23

Dalang se ke Jan, mabtays se kun bè yóm benwu boluyen Inun, lemoni bè Salim. Yó gónón mabtays ditu, abay se bong yóm élen. Tódô seflós tau tendo gel mógów ebéléen na le e hbabtays du.

Kul Nmò 10:37

Deng tngón ye se yóm deng nmò Dwata lem blóng yó kem tau bè klamangen benwu Israél, mbut bè Galili lan Jan tmolok yóm kmò klan yóm gel kbabtaysen yó kem tau.

Kul Nmò 22:16

Na,’ monen, ‘béi tlek hanggà. Géhéli hbabtays, ne mnihi bè Dwata anì hol kóhen béléem yó kem salaem.’ ”