Mark 1:39 - Udél Dwata: Gna Kesfasad ne Lomi Kesfasad

³⁹ Tahu se, tódô lenngeben klamang prubinsya Galili gónón e tmolok bè yó kem gónó le gel stifun yó kem Ju, lelen hdó yó kem busaw bè yó kem tau nalak le.

Mark 1:39 Iomraidhean Croise

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Matyu 9:35

Kogolen bè yó, lemwót Jisas nan e gotu nauy yó kem benwu lembang kkólen bè yó kem benwu lemnek. Yó nmoen, nan e gel tmolok bè yó kem gónó le gel stifun. Gel tulónen yóm Tulón Hyu lemwót bè kogot Dwata tau, luken hkó kentihen kay des yó kem tau.

Mark 1:21

Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegnô, lemwót Jisas mógów ebè kul gónô gel stifun yó kem Ju nan tmolok bélê le bè yó.

Mark 1:23

Yóm igò Jisas tmolok, tódô sut bè yó yóm tau wen busaw malak du, tódô lemangat, monen mò ke Jisas,

Mark 1:38

Mon Jisas se mò kul, “Lemwót tekuy ne, mógów tekuy ebè yó kem dumu benwu hmilol. Là gbeku du ke là tmoloke bélê le snéen, yakà yó du yóm hol nógówu elem benwu.”

Mark 3:1

Omin Jisas bud mulék ebè yóm gónó le stifun yó kem Ju. Wen sotu tau nô bè yó kimoy doli sigelen.

Mark 6:6

Ne tey ketngahen du yóm là kehtahu le béléen yó kem tau bè yó. Timbow bud lemwót bè yó Jisas, nan e tmolok bè yó kem dumu benwu hmilol.

Mark 7:30

Tahu se, mulék yóm libun yó. Bè yóm kkólen bè gónóen, ne tonen se yóm ngaen hlilil te katri, ne deng sana mdó se yóm busaw tehe malak du.

Kun Snulat Luk 4:41

Balù yó kem busaw gel malak yó kem tau, gotu hdó Jisas lu. Bè yóm kdó le, tódô le gotu lemangat yó kem busaw, mon le, “Uu se yóm hol Ngà Dwata.” Okóm bnólów Jisas lu, ne là kô bud hudélen kul, abay se tódô tngón le Jisas se yóm Misaya.