Mark 1:34 - Udél Dwata: Gna Kesfasad ne Lomi Kesfasad

³⁴ Ne gotu hkó Jisas se yóm kdê kay des le, ne gotu hdóhen yó kem tey dê busaw malak yó kem dumu tau. Okóm là kô hudélen kul, abay se tódô dilô le Jisas yó kem busaw.

Mark 1:34 Iomraidhean Croise

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Mark 1:25

Okóm bnólów Jisas yóm busaw malak du, monen, “Béi mudél. Mdóhi béléen.”

Mark 3:12

Tey kget kbólów Jisas yó kem busaw gel malak kul anì là tulón le du yóm ketngón le du.

Kun Snulat Luk 4:41

Balù yó kem busaw gel malak yó kem tau, gotu hdó Jisas lu. Bè yóm kdó le, tódô le gotu lemangat yó kem busaw, mon le, “Uu se yóm hol Ngà Dwata.” Okóm bnólów Jisas lu, ne là kô bud hudélen kul, abay se tódô tngón le Jisas se yóm Misaya.