Mark 1:27 - Udél Dwata: Gna Kesfasad ne Lomi Kesfasad

²⁷ Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Mark 1:27 Iomraidhean Croise

Matyu 15:31

Tey ketnga le du yó kem tau yóm kton le yó kem umew bud le gudél, yó kem tau tiked gotu bud hyu, ne yó kem tau tugô gotu bud mekteng kógów le, yó kem tau butô gotu bud mton. Ya tey kdóyón le ke Dwata, yóm kul gónó hemtahu yó kem tau Israél.

Matyu 8:9

Henknahu béléu se ke ou,” mon yóm kfitan. “Wen se kem tau geta sentahu gónóhu kmulu, ne gel nimónu. Ne wen se kem sendalù dou nalak, ne sal gel nimón le o. Sok monu mò yóm sotu, ‘Tu ne,’ tahu se, tódô kendel lemwót. Dalang se ke monu, ‘Géhéli,’ tódô kendel sut. Sok monu bè yóm heseku, ‘Nmoem nii,’ yó se tódô nmoen.”

Matyu 9:33

Timbow hdó Jisas yóm tulus seitan nô béléen, tódô bud gudél se yóm tau yó. Tey ketnga le du yó kem tau sbung bè yó, mon le, “Là kô deng wen ton tekuy bè klamangen Israél deng mò du yóm kun nmò nim tau ni.”

Mark 1:26

Tahu se, tódô hningkil yóm tau yó, ya tey sidek klangaten, ne tódô mdó se yóm busaw malak du.

Mark 1:28

Ya tey kestulón le du yóm nmò Jisas, tódô kendel lengeben klamang prubinsya Galili.

Mark 10:24

Tey ketnga le du yó kem gel lemolò du yóm monen yó. Okóm bud mon Jisas, “Tey mgel, kem Wè, ke tódô tô hogoten ke Dwata klowilen yóm tau.

Mark 10:32

Bè yóm ksubô le ebè Jirusalim le Jisas ne yó kem gel lemolò du, fen tukô gna kul Jisas. Ne tey ktafa nawa le du yó kem gel lemolò du, lel le likò yó kem dumu tau huli kul. Omin Jisas bud mit kul htólóng yó kem sfolò lewu gel lemolò du, tulónen kul yóm angat nmò le béléen.

Mark 16:5

Omin le husek elem yóm kilib, tódô ton le yóm tau lomi lemnok, myón fi bè kwanan le, bukay nesen. Ya tey ketnga le du.

Mark 16:6

Monen mò kul, “Bê ye mom tennga ou. Tngónu hnebel ye yóm Jisas lemwót bè Nasarit, yóm lomi tnutuk le bè kros. Là buden nô bè ni ne, deng hlowil Dwata. Ngem ni hnénég ye yóm tehe gónón masà.

Mark 7:37

Ya tey ketnga yó kem tau hmungol du, mon le, “Hono hyu yóm kdê gel nmoen,” yóm mò ke Jisas. “Balù yó kem bokong, bud mungol, ne yó kem umew, bud gudél.”

Kun Snulat Luk 4:36

Ya tey ketnga le du yóm nmò Jisas yó, tey kestulón le du, mon le, “Udél du mni du? Tey mlan. Ne tey mfasang. Botong dóken yó kem busaw ne tódô nimón le.”

Kun Snulat Luk 9:1

Sotu kdaw bè yó, gotu sentifun Jisas yó kem sfolò lewu gel lemolò du, ne wen kfasang blayen kul ne wen kwalis le hdó busaw ne hkó des.

Kul Nmò 17:19

Yó nmò le, nit le Pol ebè yó kem tau mogot kukum bélê le boluyen Aryupagus. Ne mon le mò ke Pol, “Tulónem kum kun yóm kóm lomi tolok gel tulónem ni.