Mark 1:26 - Udél Dwata: Gna Kesfasad ne Lomi Kesfasad

²⁶ Tahu se, tódô hningkil yóm tau yó, ya tey sidek klangaten, ne tódô mdó se yóm busaw malak du.

Mark 1:26 Iomraidhean Croise

Mark 1:25

Okóm bnólów Jisas yóm busaw malak du, monen, “Béi mudél. Mdóhi béléen.”

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Mark 9:20

Tahu se, nwit le ebéléen. Timbow tonen Jisas yóm busaw gel malak du yóm ngà yó, tódô lugoden talak tonok yóm ngà nalaken, ne tódô hgilu bè yó yóm ngà, ne hono bulok gu lem baken.

Mark 9:26

Ne tódô lemangat yóm busaw, ya tey sidek tódô kehkengkelen yóm ngà, ne ominen yó tódô mdó. Bè yóm kton le du yóm ngà yó, hol lómón ke deng matay. Botong mon yó kem dumu tau, “Deng matay ne.”

Kun Snulat Luk 11:22

Okóm ke wen tau kemgis sentahen mundug du, laen kô nan e gmò. Tódô nalaw yóm tau kemgis sentahen yó kem ngom sfatay tô snaligen, ne tódô nólólen bè kem dumuhen yó kem kimu negefen béléen. Hol lómón yó se,” mon Jisas, “yóm deng nmou bè Seitan.”

Kun Snulat Luk 9:39

Yó gónóhu hetngel du kóm, abay se wen busaw malak du. Sok gefet béléen, tódô gel kentohen lemangat, ne tódô gel hkengkel, ngangen efet mulok séléken, ne ngangen gel mò du efet deng tey kehsideken du, ne là géhélen mdó béléen.

Kun Snulat Luk 9:42

Yóm igoen mógów ebè Jisas yóm ngà, tódô sut béléen yóm busaw gel malak du, ne kento mugod se yóm ngà, ne tódô hkengkel. Okóm tódô hdó Jisas yóm busaw gel malak du yó, ne tódô bud hyu se yóm ngà yó. Mon Jisas mò ke maen, “Ni ngaem.”