Mark 1:24 - Udél Dwata: Gna Kesfasad ne Lomi Kesfasad

²⁴ “Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu, uu se yóm mólós hógów Dwata.”

Mark 1:24 Iomraidhean Croise

Kem Lingón 16:10

abay se tendo hensengem ebéléu yóm hatay. Lemwót bè yóm tendo gel kimónu kóm, là kô angat bayaem dou ebè yóm benwu yó kem tau deng matay.

Kehewà 14:12

Ilóem là deng tehe tulón me du kóm gu laan tekuy là deng lemwót bè Idyip, tódô bayaem mi ne bè yóm keghesek me bè yó kem tau Idyip? Mom hyu ne ke ghesek me ditu senta ke matay me bè nim benwu laen hol wen tauhen nii.”

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Matyu 2:23

Tahu se, ne bè yó gónó le nô bè yóm sotu benwu udì boluyen Nasarit. Ni se deng gónón dohò yóm tehe mon yó kem tehe gna tugod Dwata ekni, yóm mon le, “Angat boluy le du tau lemwót bè Nasarit.”

Matyu 8:29

Timbow ton le Jisas ni kem lewu tau ni, ya tey sidek klangat le, mon le mò du, “Uu se Ngà Dwata. Tedu tô nmoem bélê me ni du? Nam e kendel tô tnafak mi kô gu laanen là deng hto yóm hol bantangem mò du?”

Mark 1:23

Yóm igò Jisas tmolok, tódô sut bè yó yóm tau wen busaw malak du, tódô lemangat, monen mò ke Jisas,

Mark 1:25

Okóm bnólów Jisas yóm busaw malak du, monen, “Béi mudél. Mdóhi béléen.”

Mark 10:47

Timbow gungolen yóm klan Jisas bè yó, yóm Jisas lemwót bè Nasarit, tódô henmungen tmaba, monen, “Ó Jisas, sfu tehe Dabid, hol knoduhem o.”

Mark 14:67

Timbow tonen Pitér mnalang bè ofi, hnunuhen Pitér, monen mò du, “Kaem uu se sotu gel mung ke Jisas, yóm tau lemwót gu bè Nasarit.”

Mark 16:6

Monen mò kul, “Bê ye mom tennga ou. Tngónu hnebel ye yóm Jisas lemwót bè Nasarit, yóm lomi tnutuk le bè kros. Là buden nô bè ni ne, deng hlowil Dwata. Ngem ni hnénég ye yóm tehe gónón masà.

Mark 5:7

ne ominen tódô hendlà lemangat, monen, “Ó Jisas, yóm hol Ngà yóm Dwata alì geta bè kdéen. Tedu hendufem béléu ni du? Smafai do bè Dwata kun anì là kendel tnafakem do ni.”

Kun Snulat Luk 1:35

Yó bud mon yóm hógów Dwata mò du, monen, “Angat sù Dwata béléem yóm Tulusen, ne yóm kfasang Dwata fen hemlan du béléem. Yó gónóm mon, mólós nim ngà angat sut ni, ne angat boluy le du Ngà Dwata.

Kun Snulat Luk 24:19

Ne bud hensokol Jisas bélê le, monen, “Boluyen de?” Omin le bud malà du, mon le, “Yó sem nmò le bè Jisas, yóm tau lemwót bè Nasarit. Nim tau ni,” mon le, “du se hol tugod Dwata. Laen kô dù bang gemsenged du bè solu Dwata nim Jisas ni, sélét mom tô bè kem tau tonok ne. Tey gemseb yóm gel ktoloken, ne tey wen hentaw ton gbek nmoen snéen.

Kun Snulat Luk 4:34

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu. Uu se yóm mólós hógów Dwata.”

Kun Snulat Luk 8:28

Mung unihen mton ke Jisas, tódô hendlaen lemangat, ne hegluduk bè soluhen, ne hgelen udélen, monen, “Ó Jisas, uu se yóm Ngà Dwata, yóm Dwata alì geta bè kdéen. Tedu de hendufem béléu? Henkoduhu béléem, béem tnafak ou.”

Kun Snulat Luk 8:37

Ya tey sidek klikò le yóm kdéen tau menwu bè yó. Yó gónó le mon du mò ke Jisas, “Yake mdóhi kum bè ni.” Tahu se, lemwót le Jisas, bud le motun elem yóm ówóng, ne mulék le.

Kun Snulat Jan 6:69

Deng me hemtahu béléem se kum. Tódô tngón me uu se yóm laen dù belenen lemwót gu bè Dwata.”

Kul Nmò 2:27

abay se tngónu, Dwata, là kô bayaem dou lem benwu yó kem tau deng matay. Ne là kô hbolokem du lem lebeng lówóhu yakà ou du yóm sotu tóbóng lówóhem là mili nawahen ebéléem.

Kul Nmò 24:5

Nim Pol ni,” monen, “són sembeweg kem tau menwu nmoen. Sónmoen tendo hesbeweg kehedem kdéen Ju bè klamangen benwu. Du se gel malak yó kem tau lemolò du yóm kun tolok yóm tehe tau lemwót gu bè Nasarit.

Kul Nmò 3:14

Nim Jisas ni, du se yóm tau laen kô dù belenen yóm kmoen, hono hyu. Okóm deng mom senkbê ye, ne deng mom yó hni ye bè Paylét yóm tau monok anì hefewaen.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

Sulat Jim 2:19

Maya mon kehtahuhem du du tek sotu se Dwata. Hyu se yó. Okóm balù se yó kem busaw, sana kehtahu le du se kul. Botong le gel kenkel lemwót bè klikò le du.

1 Jan 2:20

Bong kuy du, deng sù Krays bélê ye ne yóm Tulus Dwata. Yó se gónó ye hulung temnef du yóm ktahuhen.

Deng Hegfan 3:7

“Budi smulat do ebè yóm fen gel malak yó kem tau hemtahu bè Filadélfya, monem mò du, ni se udélen ebélê ye yóm laen dù belenen yóm kun kmò, yóm hono tahu yóm gel tulónen. Du se tles mogot du yóm kunsì tehe nogot yóm tehe fuen Dabid. Ke wen lenungkaen, là kô wen gembek bud tmikeb du. Ne ke wen tnikeben, là kô wen gembek bud lemungkà du.”