Mark 1:21 - Udél Dwata: Gna Kesfasad ne Lomi Kesfasad

²¹ Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegnô, lemwót Jisas mógów ebè kul gónô gel stifun yó kem Ju nan tmolok bélê le bè yó.

Mark 1:21 Iomraidhean Croise

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Mark 1:20

Yóm kton Jisas kul, tódô tnabahen lu ebéléen. Tahu se, tódô tnagak le mà le lem ówóng, dalang se yó kem tau mò nmò bélê le, ne mung le ke Jisas.

Mark 1:29

Timbow le hewà gu lem gónó le gel stifun yó kem Ju le Jisas, tódô le hlós ebè gónô le Simun lewu le Andru, mung kul Jim ne Jan.

Mark 1:33

Tódô kdéen tau bè yóm benwu gónó le nô yó, gotu le stifun bè lósól yóm gónô gónó Jisas nô.

Mark 1:39

Tahu se, tódô lenngeben klamang prubinsya Galili gónón e tmolok bè yó kem gónó le gel stifun yó kem Ju, lelen hdó yó kem busaw bè yó kem tau nalak le.

Mark 10:1

Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Mark 2:1

Timbow kogolen bè yó, bud mulék ebè Kapérnaum Jisas, ne tódô kendel tngón yó kem tau yóm deng kkólen bè gónóen.

Mark 3:1

Omin Jisas bud mulék ebè yóm gónó le stifun yó kem Ju. Wen sotu tau nô bè yó kimoy doli sigelen.

Mark 6:2

Timbow deng bud kól bè yóm Kdaw Kehegnô, yó nmò Jisas tmolok bè yóm kul gónô gel stifun yó kem Ju bè yó. Tey tau wen stifun hmungol du, ne tey ketnga le, mon le, “Gónón ma du yóm alì khulungen tmolok nim tau ni? Ne gónón lemwót yóm tey ketngónen? Tedum mò kmoen du yó kem hentaw ton gel nmoen?

Kun Snulat Luk 10:15

Dalang se kuy, yu kem tau bè Kapérnaum,” mon Jisas. “Ilóem kmon ye ke gefet bè longit yóm alì kehegeta ye knô. Ngem kà angat tudà Dwata kuy elem lanaw ofi he.”

Kun Snulat Luk 13:10

Bè yóm sotu Kdaw Kehegnô, tmolok Jisas bè yóm sotu gónô gel stifun yó kem Ju.

Kun Snulat Luk 4:16

Ne hlós ebè Nasarit Jisas, yóm benwu gónóhen tehe lemnok. Bè yóm Kdaw Kehegnô, mung husek elem yóm gónô le gel stifun yó kem Ju, yó se sana kun gel nmò. Ominen mdà na a semfala yóm Sulat Dwata.

Kun Snulat Luk 4:23

Ne yó mon Jisas mò kul, “Déke yó tô mon ye ebéléu yóm sana gel mon yó kem tau gnan, mon le, ‘Ke uu se yóm tau mulung, nam gna kó kun yóm kóm des.’ Déke tô hmò ye do bè ni snéen bè dou benwu yóm deng gungol ye nmou bè Kapérnaum.

Kul Nmò 17:2

Sok gel kól bè yóm Kdaw Kehegnô, tódô gel mung bélê le Pol, lómón yóm sana kun gel adat. Tlu fedyanen tendo mung kul, ne gel stulón bélê le. Wen gel tulónen kul lemwót bè yóm Udél Dwata.

Kul Nmò 18:4

Tódô ket bè yóm Kdaw Kehegnô, gel mógów Pol ebè yóm gónó le gel stifun yó kem Ju, lelen gel mit kul stulón. Tô gel hdilóen yó kem Ju ne yó kem Grik bè yó yóm ktahu yóm gel tulónen.