Mark 1:2 - Udél Dwata: Gna Kesfasad ne Lomi Kesfasad

² Yó buten nim Tulón Hyu ni, duhen yóm tehe snulat Isaya ekni, yóm sotu tehe gna tugod Dwata, yó monen, “Yó udél Dwata ebè yóm Ngaen, monen, ‘Wen hógówu tukô gna kóm mò eles hemgifat yóm angat lanem.’

Mark 1:2 Iomraidhean Croise

Kem Lingón 40:7

Ne tahu se, gungolu uu, ne yó monu mò kóm, “Ni ou. Yó kem kóm hlolò dou, hono lemwót lem yóm bok gónón nô yó kem kóm hlau.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Matyu 11:10

yakà du du gónón e dohò yóm tehe hsulat Dwata ekni, yóm monen, ‘Wen hógówu tukô gna kóm mò eles hemgifat du yóm angat lanem.’

Matyu 2:5

Mon le se mò du, “Bè Bitlihim gónóhen angat sut, yóm sotu benwu udì bè prubinsya Judiya. Yakà deng wen yóm tehe snulat yóm sotu tehe gna tugod Dwata ekni, yóm monen,

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”

Matyu 26:31

Bè yóm tolo lel le mógów, mon Jisas mò yó kem gel lemolò du, “Kifu ni kdeng tódô gotu sentagak ye ou, yakà deng monen du bè yóm Sulat Dwata, yó monen, ‘Angat hfatay Dwata yóm tau semgyok ubiha, ne tódô gotu sekla yó kem ubihahen.’

Kun Snulat Luk 1:70

Wen tehe fasad Dwata ekni hlanen bè yó kem tehe gna tugoden.

Kun Snulat Luk 1:76

Ne omin Sekariya mudél ebè yóm ngaen, monen, “Ne uu, ngà, angat boluy le kóm kun tugod yóm Dwata alì geta bè kdéen. Uu se yóm fen eles tukô gna yóm gónó tekuy mogot mò fen hemtifes yóm lan angat loloen.

Kun Snulat Luk 18:31

Omin Jisas mit kul hetsik yó kem sfolò lewu gel lemolò du, yó monen mò kul, “Hol hnungol ye ni. Bè yóm kkól tekuy bè Jirusalim bè nim kógów tekuy ni, angat gotu dohò eta yóm Ngà Tau yó kem kdéen tehe eles snulat yó kem gna tugod Dwata ekni.