Kmukum 9:9 - Udél Dwata: Gna Kesfasad ne Lomi Kesfasad

⁹ Okóm là móyóen yóm koyu ulib yó. Mom yó balaen kul, monen, ‘Kóyô ye kô ke là bud wen hnolohu ne fene hegdiwel gu ta yó kem dumu koyu mung bè lenos? Ke nmungu yó, gónó ye tô ma hnolo du mò gónó ye hegfan yóm kadat ye ke Dwata ne tau? Bée dou.’

Kmukum 9:9 Iomraidhean Croise

Job 1:7

Snólók Dwata Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

Job 2:2

Omin Dwata smólók ke Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

Kem Lingón 104:15

Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.

Kem Lingón 89:20

duhen Dabid se yóm deng néléku yó, sotu tau tóbóng lówóhu. Deng hetwélu hnolo te kuluhen mò ilô yóm deng kéléku du.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

1 Jan 2:20

Bong kuy du, deng sù Krays bélê ye ne yóm Tulus Dwata. Yó se gónó ye hulung temnef du yóm ktahuhen.

Kmukum 9:10

Ne senged snéen udél le ebè yóm koyu fig, mon le, ‘Uu ne mò geta bélê me.’

Kmukum 9:8

Bè yóm tehe yu kun ekni, yó atul yó kem koyu, tô le mélék sotu koyu mò geta bélê le. Yó udél le ebè yóm koyu ulib, mon le, ‘Uu ne mò geta bélê me.’