Kmukum 9:8 - Udél Dwata: Gna Kesfasad ne Lomi Kesfasad

⁸ Bè yóm tehe yu kun ekni, yó atul yó kem koyu, tô le mélék sotu koyu mò geta bélê le. Yó udél le ebè yóm koyu ulib, mon le, ‘Uu ne mò geta bélê me.’

Kmukum 9:8 Iomraidhean Croise

2 Tutul Israél 25:18

Okóm yó balà Jihuas yóm tau hol geta bè Israél ke Amasaya yóm tau hol geta bè Juda, bede hmungen bè hlingón, monen, “Ditu bè Bulul Libanun, hemwit udél ebè koyu sidar yóm ngà koyu semnual, monen, ‘Hyehenem yóm ngau logi yóm ngaem libun.’ Okóm kendel wen ógóf lem bnes mlan bè yó, ne gotu sninà ndaen yóm ngà koyu semnual yó.

1 Kurin 12:15

Mò kmoen ke mon yóm ti, “Là kóe gomong bè lówó dou, abay se là ou du henmù.” Olon beyen tódô monen yóm yó, là kô gbeken htólóng.

Kmukum 9:7

Timbow gungol Jutam nim nmò le ni, yó gónón mneged eta Bulul Girisim hgelen udélen, monen, “Ó kem tau bè Sékém, hol hnungol ye ou anì hnungol Dwata yu se kuy.

Kmukum 9:9

Okóm là móyóen yóm koyu ulib yó. Mom yó balaen kul, monen, ‘Kóyô ye kô ke là bud wen hnolohu ne fene hegdiwel gu ta yó kem dumu koyu mung bè lenos? Ke nmungu yó, gónó ye tô ma hnolo du mò gónó ye hegfan yóm kadat ye ke Dwata ne tau? Bée dou.’