Kmukum 9:7 - Udél Dwata: Gna Kesfasad ne Lomi Kesfasad

⁷ Timbow gungol Jutam nim nmò le ni, yó gónón mneged eta Bulul Girisim hgelen udélen, monen, “Ó kem tau bè Sékém, hol hnungol ye ou anì hnungol Dwata yu se kuy.

Kmukum 9:7 Iomraidhean Croise

Tekang Kbuten 37:6

Yó kna tulónen kul, monen, “Ngem, wen knahu.

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Kem Udél Hlalak Tehe Selumun 28:9

Tey kenlit Dwata yóm tau kmogol yó kem hlauhen ne là kô hnungolen du yóm knihen.

Isaya 1:15

Ke sok gel hdà ye hólól ye bè yóm gel kni ye ebéléu, là kô kenmónu kuy. Balù hilu dulék ye mni ebéléu, là kô naw e hnungol kuy, yakà hónô litô tau deng bnonok ye lem yóm hólól hdà ye.

Kun Snulat Jan 4:20

Yó kem tehe fù me ekni, gel le tmaba Dwata bè nim bulul ni. Okóm yu kem Ju, gel mon ye són bè Jirusalim gónô tmaba Dwata.”

Dwata 27:12

“Sok deng nifal ye yóm Él Jurdan yó nmò ye, wen bélê ye fen mdà ta Bulul Girisim mò hem-el du yóm hyu bè yó kem tau Israél lemwót bè kimón le ke Dwata. Yó kem tau fen mdà ta Bulul Girisim, duhen yó kem sfu Simyun ne Libay ne Juda ne Isakar ne Jusif ne Bindyamin.

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.

Juswa 8:33

Yó nmò yó kem tau Israél ne yó kem tau malak kul ne yó kem tau wen glalen bélê le ne yó kem fen kmukum bélê le, dalang se yó kem tólóng tau menwu lem blóng le, gotu le mdà sbalà yóm Slungan Fasad smolu le ebè yó kem sfu Libay fen mit du. Sóól bè yó kem tau Israél fen mdà kmogol yóm Bulul Girisim ne sóól se fen mdà kmogol yóm Bulul Ibal. Nim nmò le ni, deng tehe eles hlau Musis kul mò nmò le ke sok gel kól bè yóm kdaw kuyag le yó kem tau Israél.

Kmukum 9:6

Omin le gotu stifun yóm kdê tau bè Sékém ne bè Bit-milu, mógów le ebè yóm koyu boluyen ok bè yó bè Sékém, nô klohok yóm hehek hetfing le bè yóm sotu dwata lennged le ne bè yó gónó le hembaling ke Abimélék mò tau hol geta bélê le.

Kmukum 9:8

Bè yóm tehe yu kun ekni, yó atul yó kem koyu, tô le mélék sotu koyu mò geta bélê le. Yó udél le ebè yóm koyu ulib, mon le, ‘Uu ne mò geta bélê me.’