Kmukum 9:5 - Udél Dwata: Gna Kesfasad ne Lomi Kesfasad

⁵ Kewót Abimélék bè yó, niten yó kem tau yó ebè gónô maen bè Ufra ne bè yó ta yóm sotu botu bong gónó le hmatay yóm hitu folò kem dumun setwoli, hono kem ngà Gidyun logi. Okóm wen sotu ngà Gidyun són twoli boluyen Jutam fen hebnos ne là ghatay Abimélék du.

Kmukum 9:5 Iomraidhean Croise

1 Bok Kem Tau Hol Geta 1:12

Ke móyói mowil se kóm, ne dalang se yóm ngaem Selumun, hol loloem nim hlauhu kóm ni.

1 Bok Kem Tau Hol Geta 1:21

Ke là géhél tulónem du kul ne ke dengi matay, yó angat kmò le kum lewu me yóm ngau Selumun, angat hnatay le mi.”

2 Bok Kem Tau Hol Geta 11:3

Botong nem halay Juas lewu le yóm libun semgyok du hebnos lem Gónô Dwata yóm igò Atalaya tolo mogot yóm benwu Juda.

2 Tutul Israél 21:4

Timbow deng mbegel kogot Jihuram benwu, tódô gotu hfatayen yó kem dumun setwoli, ne wen bè yó kem dumu tau malak bè Israél snéen hfatayen.

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Matyu 2:20

“Ó Jusif, btiki ne, nwitem mulék yóm ngà lewu le yéen ebè yóm kuy benwu bè Israél. Deng le gotu matay ne yó kem tau tehe tô hmatay du yóm ngà.”

Kmukum 6:11

Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

Kmukum 6:24

Omin Gidyun semsodò botu bè yó mò gónóhen demsù ebè Dwata ne yó boluyen du, “Lemwót bè Dwata yóm kenek nawa.” Efet ni kmoen ni sana knóen bè yó bè Ufra yóm gónô demsù yó, nfun yó kem kun ból Abisér.

Kmukum 8:30

Yó kdê ngaen logi, botong hitu folò abay se tey dê yehenen.

Kmukum 9:18

Okóm kemdaw ni, deng mom hohon ye yó kem fes lówó mà. Gotu hnatay ye yóm hitu folò kem ngaen logi ta yóm sotu botu. Yó gónó ye mò du yóm yó lemwót bè yóm kélék ye ke Abimélék, yóm ngà mà bè yóm libun nmuhen lemwót bè Sékém. Yó gónó ye mélék du abay se kuy dumu.

Kmukum 9:2

Yó monen mò kul ne bè yó kem dumu fes lówó yéen, “Snólók ye do kun yó kem tau bè ni bè Sékém ke mahil du nóyô le mò mogot kul, yóm hitu folò kem ngà Gidyun logi kô duhen ke olon sotu tau? Hentulón ye nawa ou se hol kuy dumu ne kuy litô.”

Kmukum 9:6

Omin le gotu stifun yóm kdê tau bè Sékém ne bè Bit-milu, mógów le ebè yóm koyu boluyen ok bè yó bè Sékém, nô klohok yóm hehek hetfing le bè yóm sotu dwata lennged le ne bè yó gónó le hembaling ke Abimélék mò tau hol geta bélê le.