Kmukum 9:1 - Udél Dwata: Gna Kesfasad ne Lomi Kesfasad

¹ Sotu kdaw lemwót Abimélék yóm ngà Gidyun logi, mógów ebè Sékém yóm benwu gónóhen nô yéen ne yó kem mà dien.

Kmukum 9:1 Iomraidhean Croise

Tekang Kbuten 33:18

Bè yóm kulék Jakub gu bè Misuputamya yó ne efet bè yóm kkólen bè syudad Sékém bè benwu Kanan, laen kô dù hemenen. Ne yó gónón kmamfù moni bè yóm syudad Sékém.

Tekang Kbuten 34:2

Tikóng ton Sékém yóm ngà Hamor, yóm tau hol geta bè yó kem tau Hibayt tódô kenfóen, ominen gmaga semtungô du.

2 Samwél 15:6

Yó se gel nmò Absalum bè yóm kdéen tau Israél gel mógów ebè yóm tau hol geta na e tô hkukum du anì gwahen nawa le.

1 Bok Kem Tau Hol Geta 12:1

Lemwót Rihubuam, mógów ebè Sékém bè yóm gónó le deng gotu stifun yóm kdéen tau Israél mò hembaling du tau hol geta.

1 Bok Kem Tau Hol Geta 12:20

Timbow gungol yó kem tau Israél fi bwak yóm deng bud kulék Jirubuam gu bè Idyip, yó gónó le htaba du anì mung bè yó kem tau deng stifun, ne du nmò le mò tau hol geta bè klamangen Israél. Duhen yó, tek són olo mung bè yó kem kun sfu Dabid, són yóm kun tbong Juda.

1 Bok Kem Tau Hol Geta 12:3

Lemwót yó kem tmuha gel malak bè Israél htaba le Jirubuam, ne omin le gotu mógów ebè Rihubuam ne mon le mò du,

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Jirimaya 41:5

wen wolu folò tau gdek bè yó lemwót le gu bè Sékém ne gu bè Silu ne gu bè Samarya. Yó nógów le na le e tmaba bè Gónô Dwata bè Jirusalim, lenangag le yóm deng kegbaen. Deng gotu nki le bnget le ne kensê le nes le ne hnalì le knô le. Wen halay nwit le ne insinsu mò blay le ebè Dwata.

Kmukum 8:30

Yó kdê ngaen logi, botong hitu folò abay se tey dê yehenen.

Kmukum 8:31

Wen se libun nmuhen nô bè Sékém ne wen ngaen logi béléen boluyen Abimélék.

Kmukum 8:35

Balù yóm tey kehyu yóm deng nmò Gidyun lem blóng yó kem tau Israél, ewenem là kô dog nadat le yó kem fes lówóhen.