Kmukum 8:6 - Udél Dwata: Gna Kesfasad ne Lomi Kesfasad

⁶ Okóm deng mom yó balà le du yó kem tau malak bè Sukut, mon le, “Tedum tô na me hemken kul du yó kem sendaluem? Yakem deng gekfô ye se lu le Siba ne Salmuna.”

Kmukum 8:6 Iomraidhean Croise

Tekang Kbuten 25:13

Yó boluy le lenwóten bè yóm hol twogu, Nibayot ne Kidar ne Adbil ne Mibsam

Tekang Kbuten 37:25

Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Kem Udél Hlalak Tehe Selumun 18:23

Yóm tau élél sal gel mudél hkodu, okóm yóm tau wen kendengenen mom heskong ke malà.

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

Kmukum 5:23

Yó udél yóm hógów Dwata gu bè longit, monen, “Hol tnafak Dwata lu yó kem tau bè Miros, hol le megtafak yóm kdê le. Là kô le dog mógów ke tnóbóng le Dwata. Là dog gnida le kul yó kem sendalù Sisira deng alì layam bè gida.

Kmukum 8:15

Kewót Gidyun bè yó, hlós ebè Sukut ne yó udélen ebè yó kem tau malak bè yó, monen, “Là deng klifót ye du kô yóm tehe là kóyô ye tmóbóng dou? Là kô dog henken ye kul yó kem sendaluu alì miteg abay se là deng gekfóu kul le Siba lewu le Salmuna? Hnénég ye dé, ni lu.”

Kmukum 8:5

Tikóng le kól bè Sukut, yó udél Gidyun ebè yó kem tau malak bè yó, monen, “Ke yó dum hyu bélê ye, henken ye lu dou yó kem sendaluu, deng tey sidek kliteg le. Nim nmò me ni, ktes me le Siba ne Salmuna, yóm lewu kem tau hol geta bè yó kem tau Midyan.”