Kmukum 8:5 - Udél Dwata: Gna Kesfasad ne Lomi Kesfasad

⁵ Tikóng le kól bè Sukut, yó udél Gidyun ebè yó kem tau malak bè yó, monen, “Ke yó dum hyu bélê ye, henken ye lu dou yó kem sendaluu, deng tey sidek kliteg le. Nim nmò me ni, ktes me le Siba ne Salmuna, yóm lewu kem tau hol geta bè yó kem tau Midyan.”

Kmukum 8:5 Iomraidhean Croise

Tekang Kbuten 14:18

Ne bud semlong se kun ke Mélkésédék, yóm tau hol geta bè Salim. Du se bud gel blóng le ebè yóm Dwata hol geta bè kdéen. Wen mambang slongen ke Abram mung du yóm tifas grép gel ninum le.

Tekang Kbuten 33:17

Ne fen mógów ebè Sukut kun ke Jakub. Wen gónô hdaen bè yó mò hlun gónóhen nô ne wen kem slung nmoen mò gónó le hgolung yó kem ógófen. Ne yó se gónó le moluy du Sukut yóm benwu yó abay se wen kem slungen.

Kem Lingón 60:6

Bè yó bè Gónô Dwata, yó udél Dwata, monen, “Bè yóm kegmou, angat nólólu bè yó kem dou tau yóm benwu Sékém ne yóm datal bè Sukut.

Kmukum 5:23

Yó udél yóm hógów Dwata gu bè longit, monen, “Hol tnafak Dwata lu yó kem tau bè Miros, hol le megtafak yóm kdê le. Là kô le dog mógów ke tnóbóng le Dwata. Là dog gnida le kul yó kem sendalù Sisira deng alì layam bè gida.

Kmukum 8:10

Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.

Kmukum 8:12

Lemwót yóm lewu kem tau hol geta bè Midyan le Siba lewu le Salmuna gotu le mlóy, okóm ktes Gidyun lu ne gekfóen lu. Bè yóm kekfóen kul, gotu le sekla yó kem sendalù mung yóm lewu kem tau hol geta yó lemwót bè yóm tey klangaf le.

Kmukum 8:15

Kewót Gidyun bè yó, hlós ebè Sukut ne yó udélen ebè yó kem tau malak bè yó, monen, “Là deng klifót ye du kô yóm tehe là kóyô ye tmóbóng dou? Là kô dog henken ye kul yó kem sendaluu alì miteg abay se là deng gekfóu kul le Siba lewu le Salmuna? Hnénég ye dé, ni lu.”

1 Samwél 25:18

Tahu se, tódô kendel hebetik Abigil, ma lewu latu botù mambang tahà ne lewu sning kulit ógóf hnok tifas grép ne limu ubiha deng tnétê ne lewu sakù halay deng senla ne lematu hunges bungu grép deng hendaw ne lewu latu hunges bungu fig, ominen gotu hlulón du bè yó kem kudà asnu.