Kmukum 8:30 - Udél Dwata: Gna Kesfasad ne Lomi Kesfasad

³⁰ Yó kdê ngaen logi, botong hitu folò abay se tey dê yehenen.

Kmukum 8:30 Iomraidhean Croise

Kmukum 9:5

Kewót Abimélék bè yó, niten yó kem tau yó ebè gónô maen bè Ufra ne bè yó ta yóm sotu botu bong gónó le hmatay yóm hitu folò kem dumun setwoli, hono kem ngà Gidyun logi. Okóm wen sotu ngà Gidyun són twoli boluyen Jutam fen hebnos ne là ghatay Abimélék du.

Kmukum 9:2

Yó monen mò kul ne bè yó kem dumu fes lówó yéen, “Snólók ye do kun yó kem tau bè ni bè Sékém ke mahil du nóyô le mò mogot kul, yóm hitu folò kem ngà Gidyun logi kô duhen ke olon sotu tau? Hentulón ye nawa ou se hol kuy dumu ne kuy litô.”

1 Bok Kem Tau Hol Geta 11:3

Yó kdê libun yehen Selumun, botong hitu latu kwen le, ne tlu latu kem libun nmuhen. Ne tahu se yóm hsulat Dwata, yó kem libun yó mit du glayuk bè Dwata.

Dwata 17:17

Yóm tau nélék ye, là hyuhen ke dê yehenen déke mom dalil gónón glayuk bè Dwata. Là se hyuhen ke hdengen bè tahu blówón ne bè blówón bukay.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

Kehewà 1:5

Yó kdê deng ból Jakub, hitu folò kwen le gomong lemen Jusif yóm sotu ngaen deng eles nô ditu bè Idyip.

Tekang Kbuten 46:26

Yó kwen fes lówó Jakub mung du ebè Idyip nem folò nem kdê le, là gomong nsó le kul yó kem yehen yó kem ngaen.

Tekang Kbuten 7:7

Yóm khuseken elem yóm kafal nmoen, mung du yehenen ne kem ngaen logi ne yó kem towuhen anì là glumfaken kul yóm tey dunuk yó.

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Kmukum 8:31

Wen se libun nmuhen nô bè Sékém ne wen ngaen logi béléen boluyen Abimélék.

Kmukum 9:18

Okóm kemdaw ni, deng mom hohon ye yó kem fes lówó mà. Gotu hnatay ye yóm hitu folò kem ngaen logi ta yóm sotu botu. Yó gónó ye mò du yóm yó lemwót bè yóm kélék ye ke Abimélék, yóm ngà mà bè yóm libun nmuhen lemwót bè Sékém. Yó gónó ye mélék du abay se kuy dumu.

Kmukum 9:1

Sotu kdaw lemwót Abimélék yóm ngà Gidyun logi, mógów ebè Sékém yóm benwu gónóhen nô yéen ne yó kem mà dien.