Kmukum 8:3 - Udél Dwata: Gna Kesfasad ne Lomi Kesfasad

³ Ngem yó dé, deng blay Dwata elem hólól ye yóm lewu kem tau hol geta bè yó kem tau Midyan, Urib lewu le Sib. Là kô deng gmou du he dou yóm nmò ye yó.” Bè yóm kmon Gidyun du yóm yó, botong monol kebut le du yó kem sfu Ifraim.

Kmukum 8:3 Iomraidhean Croise

Kem Lingón 115:1

Olon uu, Dwata, olon uu yóm knóón hol sendóyón, là yóm kum. Yó gónó me hol dmóyón kóm lemwót bè yóm klaen dù sónen yóm là konolen yóm kbong nawahem kum, ne yóm ktenebem bélê me.

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Kem Udél Hlalak Tehe Selumun 15:1

Hebóhen kebut tau yóm balà ganag, okóm yóm udél des mom hebuten tau.

Kem Udél Hlalak Tehe Selumun 16:32

Mom hyu he yóm tau là mahilen lembut senta yóm tau hulung mit sfatay ne hyu he yóm tau hulung mafas nawa senta yóm tau mled benwu bong.

Kem Udél Hlalak Tehe Selumun 25:11

Tey tilob mungol du yóm tau hulung temblà ne semgtón du yóm udélen.

Kem Udél Hlalak Tehe Selumun 25:15

Yóm tau manay nawahen gwahen nawa yóm tau kmamal ne yóm udél ganag gbeken mgoy yóm tau mgel kuluhen.

Kun Snulat Jan 4:37

Tahu se yóm gel mon le, ‘Tólóng tau fen mehek, tólóng se tau fen muta.’

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

Sulat Pol Ebè Yó Kem Tau Hemtahu Bè Rom 12:6

Duhen yó, hol nmò tekuy sen yóm kenhulung blay Dwata tekuy. Ke benlay Dwata uu khulung tmulón yóm kun udél, hol nmoem sen, mlan bè ktahu yóm deng hentahuhen.

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Kmukum 8:2

Okóm yó balà Gidyun kul, monen, “Yóm dou gendeng ni, tek udì néen ke heskél te bè yóm deng kuy gendeng. Balù yóm là deng kegen ye mung sgida yu kem semfu gu bè Ifraim, bong he kuy gendeng senta yóm kum gendeng mi kem lemwót bè tbong Abisér.

Kmukum 8:4

Kewót le Gidyun bè yó, mung du yóm tlu latu kem sendaluen mifal le Él Jurdan. Tey sidek kliteg le okóm tódô henlel le kemtes yó kem hohon le.