Kmukum 8:26 - Udél Dwata: Gna Kesfasad ne Lomi Kesfasad

²⁶ Yóm keblat yóm tdé tahu blówón deng blay le ke Gidyun, mukas sfolò wolu kilu. Là gomongen lemen yó kem dumu ngom mebtes yó kem tau hol geta bè Midyan ne yó kem nes megem ginggung gel lesek le ne yó kem klóón mebtes lieg yó kem kamél le.

Kmukum 8:26 Iomraidhean Croise

Istér 8:15

Kewót Murdikay bè yó bè gónô bong yóm tau hol geta leseken yóm nes bè yóm kegetahen, yóm nes ginggung ne bukay ne bud wen nes tilob megem ginggung suen tahen. Hyu wen kuruna blówón alì knóón suub bè kuluhen. Bè yóm kungol le du yó kem tau bè yó bè Susa yóm lomi udin yó ya tey kehligal le.

Kem Udél Hlalak Tehe Selumun 31:22

Gel wen kumù nmoen ne yóm kun nes gel lesek tey hyu ne tey tilob beteken.

Jirimaya 10:9

Yó kem dwata le yó, gel lenafin le yóm blówón bukay lemwót gu bè benwu Spén ne yóm tahu blówón lemwót gu bè benwu Ufas. Gotu blay le bè yó kem tau wen khulung le mò du. Nnes le yóm nes megem ginggung, yóm nes newel yó kem libun alì hulung mò nes.

Kun Snulat Luk 16:19

Bud wen tulón Jisas kul, monen, “Wen sotu tau alì wen kendengenen. Són gel leseken yó kem nes alì mebtes, ne tey mdengen klowilen ket kdaw.

Kun Snulat Jan 19:2

Timbow deng kfes le du, omin yó kem sendalù lemikin yóm sotu kay tinu semnual mò nmò le kuruna suub le bè kulu Jisas. Ne hesek le du yóm nes ginggung, hningón nmò le tau hol geta.

Kun Snulat Jan 19:5

Omin Jisas bud hewà, nô bè kuluhen yóm sual lenikin le yó, ne leseken se yóm nes ginggung. Mon Paylét mò kul, “Ngem, ni sii yóm tau yó.”

Deng Hegfan 17:4

Yó nes leseken yóm libun yó, nes yóm hol libun boi, yóm nes ginggung megem, ne wen se yóm hol tógó khulóen. Tódô tfeng lówóhen yó kem ngom libun gel nmò le lemwót bè blówón ne lemwót bè yó kem botu sminang mebtes, ne bè yó kem pérlas. Wen tgayan blówón nkemen, tódô henok lemen yóm nmò alì sidek lemwót bè yóm gel ksamuken.

Deng Hegfan 18:12

Laen dù bud bemli du yó kem tahu blówón le, ne yó kem blówón bukay le, ne yó kem dê botu sminang mebtes le ne yó kem pérlas le. Senged se yó kem dê kay tila alì mebtes gel hbalù le, yóm tila bukay, ne megem hulô, ne yóm hol tógó hulô ne yóm sida, laen dù bud bemli du bélê le ne. Dalang se yó kem kfal mebtes là klet ton du, ne yó kem dê dumu gel hbalù le mò ngom gónô le, yó kem nmò le gu bè koyu mebtes ne yó kem gel tenwél le, ne yó kem gel nsól le, dalang se yó kem botu alì mebtes mò klóón gónô, laen dù bud bemli du bélê le ne.

Deng Hegfan 18:16

“Weyò, weyò. Kamaen yóm tey syudad bong yóó. Tehe tey tilob yóm nes gel leseken, yóm nes bukay ne yóm hulô megem hitem ne yóm alì tógó hulô. Tehe tódô tfeng lówóhen yóm ngom gónón alì knóón, yóm nmò le bè blówón ne bè yó kem botu sminang mebtes ne bè yó kem pérlas.

Kmukum 8:21

Yó udél Siba ne Salmuna ebè Gidyun, mon le, “Uu ne hmatay kum. Là hyuhen ke hmoem ngà yóm kun nmò yóm tau bong.” Tahu se, hnatay Gidyun lu ne gotu nwahen yó kem klóón mebtes lieg kamél le.

Kmukum 8:25

Yó balà le du yó kem tau, mon le, “Tey hyu nawa me bemlay du kóm.” Hyu wen nes nból le ne sotu kun hemsù tahen sotu tdé tahu blówón deng negef le.

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.