Kmukum 8:22 - Udél Dwata: Gna Kesfasad ne Lomi Kesfasad

²² Kogolen bè yó, yó mon le mò ke Gidyun yó kem tau Israél, “Deng lenwaem mi bè yó kem tau Midyan, yake uu ne mò mogot kum ne yó mò tlesem hulin kdaw yó kem semfu gu béléem.”

Kmukum 8:22 Iomraidhean Croise

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Kun Snulat Jan 6:15

Ne yó tô atul le, tódô tô nówóng le Jisas mò tau hol geta bélê le. Okóm tngón Jisas yóm tô nmò le, yó gónón tódô hlayuk bélê le, hetsik mógów elem bulul tek sotuhen.

Kmukum 8:21

Yó udél Siba ne Salmuna ebè Gidyun, mon le, “Uu ne hmatay kum. Là hyuhen ke hmoem ngà yóm kun nmò yóm tau bong.” Tahu se, hnatay Gidyun lu ne gotu nwahen yó kem klóón mebtes lieg kamél le.

Kmukum 8:23

Bnalà Gidyun se, monen, “Là ou du yóm mogot kuy ne là se ngau du, kaem Dwata yóm sana kut Dwata hol gónó mogot.”

1 Samwél 12:12

Okóm timbow ton ye yóm móyón keglà Nahas kuy yóm tau hol geta bè benwu Amun, mógów ye ebéléu ne yó mon ye mò do, ‘Móyô me ke wen tau hol geta mò malak kum.’ Yó se udél ye igoen Dwata se yóm tau hol geta senflósen malak kuy.

1 Samwél 8:5

yó mon le mò ke Samwél, “Ngem, dengi tuha ne yó kem ngaem là kô lolò le du yóm kóm kmò. Duhen ni, méléki tau mò tau hol geta bélê tekuy lómón yó kem tólóng benwu wen tau hol geta bélê le.”