Kmukum 8:18 - Udél Dwata: Gna Kesfasad ne Lomi Kesfasad

¹⁸ Omin Gidyun smólók kul yóm lewu kem tau hol geta yó le Siba ne Salmuna, monen, “Yó kem tau tehe hnatay ye bè Tabur, kmò kton ye kul du?” Bnalà le se, mon le, “Skél le kóm, lómón tô le halas ngà tau hol geta yóm kdê le.”

Kmukum 8:18 Iomraidhean Croise

2 Bok Kem Tau Hol Geta 1:7

Yó mon yóm tau hol geta mo kul, “Tau du se yóm tau semlong kuy yó? Tedu kmò halasen?”

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Kem Lingón 89:12

Deng nmoem yóm fi debwak ne deng nmoem se yóm fi leged. Yóm bulul Tabur ne yóm bulul Hérmun, lómón ke eles le tendo hligal semngal ebéléem.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

Kmukum 4:12

Timbow tngón Sisira yóm deng knô Barak ditu ta Bulul Tabur,

Kmukum 4:6

Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Kmukum 8:17

Ne gotu genbaen yóm gónô geta gónó le gel heklung bè yó bè Pinwél ne gotu hnatayen snéen yó kem logi bè yóm benwu yó.

Kmukum 8:19

Mon Gidyun se, “Hono kem dou dumu setwoli, hol me sulil lem. Ke yó dum là tehe hnatay ye kul, smafae bélê ye hlanu bè boluy yóm sana kum Dwata hol gónó mogot, là kô hnatayu kuy se kuy.”

Kmukum 8:5

Tikóng le kól bè Sukut, yó udél Gidyun ebè yó kem tau malak bè yó, monen, “Ke yó dum hyu bélê ye, henken ye lu dou yó kem sendaluu, deng tey sidek kliteg le. Nim nmò me ni, ktes me le Siba ne Salmuna, yóm lewu kem tau hol geta bè yó kem tau Midyan.”