Kmukum 8:11 - Udél Dwata: Gna Kesfasad ne Lomi Kesfasad

¹¹ Yó nmò Gidyun, tódô loloen yóm lan hmilol yóm benwu laen hol wen tauhen fi dmata kdaw yó kem benwu boluyen Nuba ne Jugbiha nan e kentut nundug yó kem sendalù hohon le.

Kmukum 8:11 Iomraidhean Croise

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Kmukum 8:10

Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.

Kmukum 8:12

Lemwót yóm lewu kem tau hol geta bè Midyan le Siba lewu le Salmuna gotu le mlóy, okóm ktes Gidyun lu ne gekfóen lu. Bè yóm kekfóen kul, gotu le sekla yó kem sendalù mung yóm lewu kem tau hol geta yó lemwót bè yóm tey klangaf le.

1 Samwél 15:32

Omin Samwél mon du, “Nwitem edini Agag yóm tau hol geta bè yó kem tau Amalikayt.” Tahu se, yóm kkól Agag bè yó balù udì ke wen klikoen, yó mon nawan, “Tahu là hnatay le do.”

1 Samwél 30:16

Tahu se, nwiten Dabid yóm tau Idyip yó ebè yóm gónó le kmamfù yó kem tau Amalikayt. Bè yóm kkól le Dabid bè yó ne yó kem tauhen, tolo le sekla yó kem tau Amalikayt, sekla le mken ne minum lel le madal lemwót bè yóm tey kligal le bè yóm alì kwen yó kem negef le bè yó kem Flistin ne bè benwu Juda.